البطاقة الشخصية :
الاسم / تمساح بن تمساح بن تمسوح التميسحان
العمر / 16 سنة
الصف / أول ثانوي
الهوايات / كل شيء له علاقة بالاستهتار
- أول يوم دراسة بعد الإجازة اللي مدتها شهرين ونصف
- ولا تسألوني كيف قضاها لأنها راحت في النوم والأفلام والكلام الفاضي
""""""""
الأم : تمساح قم وأنا أمك
وتمساح ما يقوم إلا بعد ما يجي أبوه وينفخ عليه ذيك النفخة إللي تطير العقل ,, ويقوم يا حياتي والكشة طايره
تقول كنه صرصور مروع <<<< مطول الشعر علشان يتميلح فيه بس الدلخ دلخ لو طول شعره
البنت : ماما وين تمساح بأتاخر عن المدرسة
الام : الحين ينزل
وينزل تمساحنا المصون والله لا يوريكم شكله
ينزل درجتين من النوم
وأزرار الثوب مسكرة بالغلط والنص الثاني ما سكره
الام : حبيبي تعال افطر
والشكل تحفففففففة ما ينوصف
كل خمس ثواني صاك راسه في الطاولة هذا غير اللقمة إللي بالغلط يدخلها في خده على بال الاخ إنه
يدخلها في فمه
وشوي ينقط الشاي على ثوبه ,,, والولد ما حس <<<< نايم الحبيب
الابو : ليش ما حلقت شعرك
تمساح : والله يبه رحت للحلاق أمس بس الحلاق قال لازم بالارقام لأنو زحمة وانت عارف امس مباراة السعودية وبرشلونة <<<< من الصدق الزايد
وأنا منيب مفوت مباراة السعودية علشان حلاقه
البنت : تمساح يالله نروح المدرسة أبغى الحق اسلم على المعلمات والطابور >>> يالبى قلب الادب يا ناس
تمساح : طيب لا تنافخين ترى ما نيب فاضي لك
ووصلوا البنت وتوجهوا لمدرسة الحبيب
تمساح : فاروق أنا بسوق
فاروق : ما في بابا قول لا
تمساح : أقول وقف لأصمخك بالنعلة <<< قمة الأدب والاحترام
ورضخ فاروق للأمر الواقع
ومسك اخونا في الله الطارة وراح لمدرسته يتفشخر بها
واول ما وصل عند شلة التعاسة , طول على المسجل <<< يالله صباح خير
تمساح 1: هلا والله بالذيب تمساح
تمساح : تعالوا اركبوا خل ناخذ لفة بالسيارة
تمساح 2: لا يا حبيبي الموسوس " طبعا هذا الوكيل " ناشب لنا
تمساح 1: خلاص ناخذ لنا لفه إذا طلعنا
- الحصة : الرابعة
- المادة : رياضيات
تمساح كالعادة الشرح في وادي وهو في وادي ثاني
فاتح الدفتر على آخر صفحة .. ويرسم قلوب وأغاني ورجال واقف * سن مراهقة *
الاستاذ " بصراخ " : تمسااااح وش تسوي
تمساح بفهاوته الدائمة : هاه يا استاذ
الاستاذ : هاه إنت ما علوك اهلك الأدب أنا استاذك قل سم أو على الأقل نعم
تمساح : هاه يا استاذ
الاستاذ : لا حول ولا قوة إلا بالله .. لكن ما في فايدة
تمساح 2 يساسره : أفا هالدلخ يهاوشك وتسكت له ماهقيتها منك صراحة
تمساح كالعادة " إمعة ": يا استاذ ترى انا منيب أصغر عيالك تنافخ علي
الاستاذ : تمساح ما تستحي تقول لاستاذك كذا
تمساح : والله تهاوشني وتبيني اسكت لك
الاستاذ : اطلع برى ولا تجي بكرى إلا ولي أمرك معك
طلع تمساح من المدرسة و خويه ما كانه سوا شيء
ولما انتهى وقت المدرسة
وطلعوا التماسيح
ركبوا في سيارة تمساح وراحوا يفرفرون في الحواري
تمساح 3: وش رايكم نروح عند ثانوية البنات تلقاهم ألحين طالعين
تمساح : فلللللة يالله سرينا
وراحوا الدلوخ الأربعة
وشافوا بنت طالعة من الحارة بتروح لبيتهم
تمساح 2 وهو يكلم البنت : وااو شباب عمركم شفتوا قمر طالع بالظهر
تمساااااح : لا ياحبيبي هذا يا تمساح قمر يمشي على الارض
البنت : انتوا قبل ما تتحرشون ببنات خلق الله روحوا شوفوا اشكالكم في المراية ,, اللهم لا شماته
وحسوا بالفشيلة وراحوا
تمساح 3: والله لا أنزل وأكسر راسها إللي ما تستحي
تمساح : يا جبل ما يهزك ريح
ويطلع تمساح 2سيجارة ويقدمها للتمساح الدخ : خذ يا رجال وروق مزاجك بعد بنت السحلية إللي تو
تمساح : وش ذا
طبعا التماسيح ماتوااا ضحك عليه
تمساح3: حلاوة بالفليك ,, سيجارة
تمساح : أنا عارف بس أنا ماراح أدخن لأن فيني حساسية <<<<علشان ما يفشل نفسه عند الدلوخ
تمساح 1: لالالا ما يصير هذي بس علشان تروق
وراح دلخنا المصون وخذاها وحدة وبعدها ثانية وثالثة لين داخ وانفجر خشمة من الدخان << تقول شكمان سيارة
الساعة 12.30
الأب : وين ولدك إلى الآن ما جاء عطلنا وعطل أشغالنا السواق ما قدر يجيب اخته لأن حضرته ما خذ السيارة
وخلاني أنجبر وأطلع من الدوام وأجيبها
لكن هين والله لأوريه شغله
الأم : الله يستر ولا يصير في وليدي شيء
ودخل السبع تمساح
تمساح : مساء الخير
الأب : الله لايمسيك بالخير
وقرب منه
الأب : وش ذا الريحة يالخايس سجاير ياللي ما تستحي
وخذاله ضرب لين خاس جلده
وبعدها رقى لغرفته
بصراحة أنا راحمة تمساح
إذا صحى تخبطه طاولة الطعام
وإذا جا بينوم يخبطه عقال أبوه
وأتمنى القصة تعجبكم
أنت غير مسجل في منتديات حبي. للتسجيل الرجاء اضغط هنـا 
إحصائية
العضو
يا رب تعجبكم قصتي المتواضعة 
