بصم الله والصلاة والصلام على سيدنا محمد عليه أفضل الصلاة وأتم التصليم...




"
"
"
"

أما عاد,,,



قبل لا تقرون القوصه جميع الحقوق محفوضه لدى شكرة متوسد ملفه للقصص الهوستريه
صحيح اني زارفها من منتدى ثاني بس ولو انا اللي كاتبها هناك وناقلها لكم

وقبل القوصه بعد
مبروكـ عليكم الشهر < الشهر خلص وانت تبارك
قصدي كل عام وانتم كويسين


<< يوووووووه من زمان ماجيت هنا بس ليش مغيرين ملابسكم < يقصد ستايل المنتدى



يالله دوكم
دوكم=تفضلو


....]متوسد ملفه في عصر الجاهليه[...

( اكشن – دراما – ملاحق دجاج – رومنصيه- إنفصام شخصيه)



متوسد ملفه شاب منذ خشونة أضافره وهو يمتاز بالذكاء حتى إن نيوتن مكتشف الجاذبيه قرر إعتزال


البحوثات حتى يغادر هذا الشاب من العالم العلمي << إيه قابلني

عندما استقيظت في الصباح الباكر على جرس المنبه فإذا الساعه 9.30

فقمت مسرعا بتبديل ملابسي حتى ما فكرت في الفطور <<ياخي تتعب مع الفصحى

والله وجيكم نازل من الدرج ويوم طلعت مع الباب ونزل الشارع إلا كل شي قدامي مختلف :s


عالم غير العالم اللي كنت فيه جلست ادور سيارتي اللكزس ما لقيتها << والله اللي ما يعرف يفقش

اناظر اشوف ناس غير ناسنا << حلوه ذي


اشوف ناس بعارين واحد ماسك عصا طول النخله << يقصد رمح بس أخونا ما يعرف الامور ذي

وثنين جالسين يقلدون جاكي شان كل واحد يلقط الثاني بالسيف حتى إنهم فله جلست اتفرج فيهم ونسيت

السالفه
شوي يمر من عندي واحد يمشي مثل مشي اللكزس حقتي ولتفت عليه إلا هو واحد مثل الزير سالم فوق حصان


ويصيح يا قوم يا قوم أعدوا وجهزوا خيولكم ورماحكم فبعد مسيرة ساعه ينتظرنا الزير ومعه امرؤ القيس


انا بيني وبينكم بلعت العافيه

قلت انا في حلم ولا في علم وش جابني انا هنا جيت


يا غلام
إلتفت إلا وراي ذا الجثه شنبه شابك مع شعره وماخذ لفتين على راسه
قلت سم << مسوي راعي علوم رجال انا ووجهي
قال: ما ذا تقول يا اعجمي اتريد ان تقتلني تقول لي سم اتريد ان تسممني قبحت من غلام اخرس
انا توهقت قلت يبن الحلال وش فيك
قال : لأجتث عنقك يا ايها الكلب


قلت لا والله الوهقه لا تجتث ولا تشيل انا اقصد امدحك تعال وهذي حبه على راسك


انا يوم قربت من عنده يحسبني بقاتله يقلع ابليسهم عندهم كل شي يا ذابح يا مذبوح مو عندنا كل واحد يهايط على الثاني ومش

المهم يوم جيت بقرب منه إلا والمخمس اللي سادح طبلونه إلا ونا مغشي علي << صرت تكلم زيهم


شوي وقوم إلا ونا في زي السوق وهناك بسطات وطالع إلا اللي سطر كف جالس على حصاه جنبي ويصيح فيهم


من يشتري هذا العبد من يشتري هذا العبد

ونا افتح عين وغمض عين منلحس من المخمس اللي جاني قلت يبو وش تقول انت


تراني ادمي مثلي مثلك وش تبيعني وش تشتريني

قال اخرس ومعه سوط ياشيخ كيبل كهرب حجمه ويجي واحد قال بكم هذا الابيض

قلت في نفسي لا زانت الامور من يوم قال ابيض شكله حط عينه علي ذا << شك بنفسه

قال خذه بقيمة التيس الذي عندك قال من اين هو قال اتوقع إنه من بلاد الشام فوجهه يلمح لي بذالك

قلت الله يرحم امك ويني وين الشام عند اخوياي بالحاره مسميني طربمة الوايت كيف تقول لي سوري

والله وياخذني هذاك معه

إلا ويجي اللي اول ما شفته فوق الخيل يمشي طبلونه ويصيح الزير الزير الزير

إلا والناس حولي كل واحد مسك له صوب انا إلتفت اللي اشتراني سحب علي قلت فكه خلني انحاش براسي
وطالع إلا اشوف قدامي بنت :s


هلا بالعيال لا وكاشفه بعد << اخوكم راح تبن بلا شبك غنم


وتناديني قال انت تعال ايها الابيض

قلت عيونه
قالت ادخل الخيمه قلت ياخي من اول انتي وين تاركتني مع الجحش اللي قبل شوي إلتفتت علي قالت:

ما ذا تقول انت بماذا تحكي ؟؟

قلت والليل انتم ما تفهمون كلامنا قلت يا مولاتي يا مولاتي امريني

قالت خذ هذا السيف وذهب إلى ابي على مضارب الابل فإنها ليست بعيده من هنا وقل لها إن إبنتك تقول إن الزير اتي إلينا


قلت بس ما تبين غيره شي


قالت لا هيا ما ذا تنظر ؟؟


<< أخوكم مفهي
قلت يالله انتظريني انتي
قالت هيا بسرعه انتظرك قلت والله تنتظرني << خبل فاهم السالفه غلط

دقايق ونا جاي والله وشق ذاك الشعيب وركض يوم رحت بعيد قلت انا الحين وين رايح


<< يمشي على عماها
والله إني درج وش عرفني ابوها وش اعرفني مضاربهم ذي


اطالع إلا اشوف غبار قدام وعج الله لا يوريكم وشوف صياح وإزعاج

قلت شكل ذي قافله جايه خلني انتظرهم ويوم قربوا من عندي وهم يوقفون ويجوني اربعه على خيولهم كل واحد شنبه اطول من الثاني قالوا


من انت

قلت انا متوسد ملفه من منتديات حبي < غيرها كان كاتب اسم منتدهم الزين اللي فيه صقيقيني
قال من وراء البحر انت جيت
قلت أي بحر يرحم اهلك منتديات حبي فيه الشباب الزكرت وان توني جابهم بس ماعليك بطرح الميانه من اول موضوع


قال انطم ولا كلمه بس
إلا ويجي واحد اكبر منهم كلهم يا كبره يا عيال
قال ما هذا السيف الذي تحمله ؟؟

قلت هذه وحده موصيتني اعطيه ابوها

قال هذا سيف جساس إذن
قلت جساس :s
قال الا تعرفني ؟؟ قلت من انت؟؟ قال انا الزير سالم
قلت هلا بالعيال الزير ما غيره
قال اسحبوا السيف منه ودقوا عنقه..
قلت ياخي انتم ما عندكم إلا دقوا عنقه وجتث رقبته ما فيه تفقيع وجه زي العبيد اللي بحارتنا لا مسكوا احد قالوا فقعوا وجهه
وياخذوني عهلى هذيك الحصاه وعرفت إنها الخاتمه يا عيال ما غيرها
قلت يا ايها الزير
ترى مصيرك بيذبحونك عبيد إلا والسيف فوق رقبتي
إلا ونا صاحي وجنبي الوكيل ماسك العصا قال ساعه يا درج اقومك ما تقوم قلت وين الزير:s
قالو ش زيره قلت وين الاشناب اللي قبل شوي

قال لا شكلك مزود اليوم الحبه شكل دايم غاشك ونا مدري


وعلى باب المدير كالعاده توقيف + فلكه _ فصل اسبوعين






ودووووووووووووووووومتم

تخياتي لكل الاعضا محبكم متوسد

اللي تعجبه يرد واللي ماتعجبه برضو يرد ويقولي
ميم+سين

ميم=ماعندك
سين=سالفه

ههههههههههههههههههه


يسلمووو ووو ووو !!!

هههههههههههههههههههههههههه

يسلموووو

هههههههههه


يسلممممممممو


تحياتي لك

ههه مشكوووره يعطيك العافيه