أعجبتني وحبيت انقلها لكم اتمنى تنال على اعجابكم





.... وش عــــــطـــــــركـ حــــبـــيــــبــــي .... !!


تبسم ...!!
وإندفق في شفته... حمار دمه
والهوى توت ...!!
والكرز يلعب على مردوع فمه
وأنا أموت....!
والغلا يضحك ولايدري بهمي ...
ولاهمه ...!!

قلت
( عطني ...!! )
قال
( المعطي الله...!)
وصد عني
وصحت به من حرةٍ بي
صحت له في كل حيلي....
وماطلع صوت...؟!
والله حالة...!!
وقام يضحك
وإبتلشت بخف دمه...!!
والقهر دمه عسل...وشفااااه توت
والكزر ينبت بفمه
وضحكته موووت

قلت له
( بعطيك عيني ...!)
قال
( لالا ...!!
إحفظ عيونك ...عندي عيون المها...!!
والمعطي الله )

قلت
( أنا بطلت عشق ...!!
و مابي دروب الغرام
بهجر العشق...وطريقه...!)

وقام يضحك
وقال
( يـمه )
يا فديت ابوه ... وأُمه ...!!
وإنهزعت بكف يدي ... ما دريت....
ولمس كفي راس كمه
قال
( من حضك لمست أكمام ثوبي
كفك اللي ناش كمي....بس شمه )
ويوم أشمه... موووت ...!!!
مووووت يعني مووووت ...!!!
و دار راسي...
ريح عطره بالفعل أكبر خُرافة ...!!
لاهومسك.... لا وربي
ولاهوعنبر.... لا وربي
أو دهن عود...لالا...لا...!
والله أحلى ...
قلت

( وش عطرك حبيبي...؟!!
قل لي إسمه
ياهو قمة ...!)
قام يضحك لي
ويغمز لي بعينه...

قال
( هذا موعطر
اللي بيدينك عرق كفي ...وسمه ماتسمه ...!
ألف غيرك يدفع عيونه إذا يحظى بشمه ...!)

قلت
( ياسيدي أحــبـــــك
فدوة عيونك حياتي ...)
قال
( لالا
لاتناديني ياسيدي
ولو مصمم قل ياعمه ...!)
قلت
( ....عمه
ثم عمة
ثم عمة
هذا دربي اللي مشيته
في هواك
واهتويته
وغصب أتمه )
ونفضت مجدولها قدام عيني...
وش هالاشقر....؟!
والهواء هب...
وإنتثر قدام عيني...
آ.....ياعيني

قلت
( وش رايك ألمه...؟!)
قال
( أول لم نفسك...ثم لمه...!)
وإبتسم لي
وبان ذاك الناب الأبيض....
وساق فيني كل سمه...

قلت
( سمك ساق بعروقي وسقاني...!)
قال
باقي ... ماقد جاك كله )
قلت
( تكفى
ثم تكفى
ثم تكفى
إن بقى بك سم بعروقي تتمه...!)
قال
( أبشر ... والله لعيونك لتمه ...
بس تتحمل ألم ...!)
ومال في خصره وطحت
وهز تفاح الهوى...والغصن كله...
ثم قمت
وحط كفه على كفي
ثم طحت
ولمس شفاهه بيده
ثم قمت

قلت
( قلبي من وسط صدري طلع )
قال
( ضمه ...!)
قلت
( منهو...؟! )
قال
( قلبك )
قلت
( حاضر...
بس ليش...؟! )
قال
( هذا من سم الهوى اللي بك دفقته
هذا هو سم الهوى اللي قلت تمه ...)

قلت
ياااااه
ياحلو ناب الغرام...
وحلو اسمه )

بدر العتيبي

عزفت لنا على الكلمات عزفا شجيا

سلمت اناملك على الكلمات الجميلة

دمت ودام لنا حضورك المميز

يعطيك الف عافيه

ننتظرجديدك

تقبل مروري المتواضع
دارين الزامل

كلمااااااات كثييييييير رووووووعه
من شخص كثييييررر مبدع وذووووق


يسلموووووووو

الاروع هو تواجدكن


مشكورات على المرور العطر

د
م
ت
ن

ههههههههههههههههههههههههههههههههههههههه
يعطيك العافيه اخوي على الكلمات الرائعه والجميله فعلان
بس ياخوي وينها هذي دلني ولي يرحم والديك
والله والله لو تكون وين لروح على الرجلين
تقبل مروري اخوك حبي أمان