طالت مشاويري وجرحي مسافـه
أرحل ويبقى عطر حرفـي هديـه
***
آخر حدودي دمعتيـن وحسافـه
أرسم خيال الحـزن بالشاعريّـه
***
سافرت في دربٍ غريب انعطافـه
أنـا وآهاتـي مشينـا سـويـه
***
يخاف منـي كـل شـيٍ أخافـه
والعين تابت من دمـوع الخطيّـه
***
أشوف في حلمي تعب وارتجافـه
ترسى على مينا حياتـي الأسيّـه
***
والحظ أعلن في عيونـي جفافـه
وريح الألم صارت معي موسميّـه
***
أصبح شعوري بالسعاده .. خرافه
وياسي أبد ماشفت انا ياس زيّـه
***
مع وحدتي قلبي يعيش اعترافـه
كن الهوى صاير بعمـره قضيّـه
***
قلبٍ يعاف اللـي نسـاه ويعافـه
لو ذاق من حبـه همـوم وأذيّـه
***
قلبٍ بسيـط ومايعـرف الكلافـه
في نبضته صدقٍ علـى جاذبيّـه
***
مافيه حب الاّ سعى لـه وشافـه
شاف الخوي وشلون يغدر خويّـه
***
حتى بكى وردّد حسافه .. حسافه
هذا جزا اللي له مع الشوق نيّه !!
***
ومن القهر قلت : العزا في الولافه
ولقيت نفسي ( أكسر المزهريّه )
دمتـــــم ســـــالمين /إعـ؟ـفيني 
أنت غير مسجل في منتديات حبي. للتسجيل الرجاء اضغط هنـا 
إحصائية
العضو
دمــــعتـــــين وحســـــا فــــــه 
العرض العادي
