اخواني .. اخواتي
في الأسبوع الماضي زرت وصديق لي احد اصدقائه بمستشفى التأهيل
بمدينة الملك فهد الطبية ..
صديق صديقي يعالج بسبب حاث افقده السيطره على نصف جسمه
وهو الأن يسير على عربه وهو شبه فاقد الحياة لاتفارقه الدموع
وحين قلت له سلامات ماتشوف شر .. جاوب وهو فية شر اكثر من كذا
من روعة ماسمعت احترقت الدمعه بعيني من حرارتها قبل السقوط ..
فجلست ليلي كله اتأمل حياته القادمه ..
وشاركته الحزن في بعض مراحل حياتي اليوميه ..
فكان هذا الشعور .. انثره في هذه الصفحه ..


الـــــــحـــــــزن ..؟
الحزن وش بدنياك
ياحزين ..
فراق .. حبيب
حب جارح ..
فراغ كئيب ..؟
ياحزين ..
وش الحزن بدنياك
الملل..
طيب .. انت جربت الــشــلـل ..
لا
ماعرفت الحزن
ولانت حزين انت مسكين
انت تتصنع الحزن
ومافيك الا الجبن ..
او حيله ..
لشخص تستميله ..
او لفت الأنظار
تنتظر اعتذار ..
او هديه .. من غبي او غبيه ..!!
0000000000000000
ياحزين
جربت يكون حزنك
انت ..
يكون عندك بنت ..
ساكنه بالصدر ..
وأمها تسكن الـقـبـر ..!!
وانت ابوها والأم
تعوضها عن اليتم ..
وهي كلمة ماما
حلمها ..
بتقول ماما مثل
(طلال) ولد.. عمها
0000000000000
ياحزين
جربت تكون سجين
محكوم خمس سنين ..
وأمك تبكيك ..
وابوك
وطفلين ..
بنت وولد
مالهم غيرك احد ..
ثاني يوم يزورونك
وهم يبكونك ..
يبه متى تطلع
متى ترجع ..
ولدك .. يبي العاب
يبي ثوب .. وشماغ
وعقال .. يبي يصير رجال
وبنتك تبكي ..!!
تبي حليب اطفال ..
000000000000000
ياحزين
عرفت الحزن
وفر دموعك
وخضوعك ..
الحزن ماهو استهبال
او لعب اطفال ..
الحزن ..
موت
وشلل
وقلة الحيلة
وبكى طفل
عايش .. على أمل ..!!

اخى العزيز " أميــــ القلـــم ــر"
اكثر ما اشعر به .. هو انك تحمل الم كبير .. حزن يئن داخلك بعنف .
قصة تحمل .. وجع والم .. صدمة ...تسحق القلب ..
احسنت في اختياار الكلمااات
وتقبل مني هذه الابيااات
غايب عني وأنادي ما اسمعك
يا حبيب رحت ودي اني معك
المشاعر كلها لك تنتظر
يوم قالوا لي رحل ما ودعك
غايبي,, هذا القدر,, هذا النصيب
دايم الأيام تضحك,, تخدعك
يا حبيب صار باحضان الثرى
مسكنك فوق الثريا مجمعك
حبك بدمي ابد ما ينّسي
بين خفاقي وعيني مربعك
يا عسى في مسكنك انت سعيد
وفي جنان الخلد ربي يرفعك
امين يجمعكم في جنااان الخلد

(((( الـحـزن .. وش بـدنـيـاك يــا حــــــزيـــن ..!! )))))
ربما نبالغ في حزننا أحياناً..
أحياناً وليس دائماً ..
ربما الحزن بنفسه يستهين بحزننا ..
ولكن أمام موقف كهذا ..أظن أنه هذا هو بلد الحــــزن
كلمات صارخه..قاتله..قويه..
منبعث عن قصه رجل ..تحدى بأن يكون لحزنه مثيل ..
لا تتحدى أيها الرجل ..فحزنك لا مثيل له ..
وكما يقوولون ..
( من شاف مصيبه غيره تهون عليه مصيبته )
كل الشكر لك على ما أخطيت من كلمات ســـاحره..
سحرت بي..فأبكتني..
تحياتي.

امير القلم

اول مره تكتب عن الحزن ..

ماتوقعت انك شايل في قلبك كل دا الحزن..

بجد القصيده رائعه ..مؤثره...ابكتني..

انت لخصت الحزن في نظرك في جمله وحده ..

موت
شلل
وقلة الحيلة
وبكى طفل
عايش .. على أمل ..!!

اسال الله الكريم رب العرش العظيم ان يفرج عنك وعن بنتك شوق ويفرج

عن صاحبك ..ويعوضكم خير يارب...امين

اتحفتنا بقصيده اروع مافيها انها خطت بايدك..

واذا سمحت الي حابه احتفظ بنسخه منها في ملف خاص

اجمع فيه كل مايهز وجداني..

تقبل مروري يالغلا..

اختك

مها

تمتلك احساس ومشاعر حزينه
انشاء الله الله يشافي ابنتك ويشافي جميع المؤمنين والمؤمنات
لقد ابكتني القصيده عندما قرأتها

امير القلم


احساسنا نحاول نخطه في عبارات

الحزن وايش بدنياك
يوم تنحرم من والدك
وتشوف نضرات شفقة الكون عليك
يتيم وفطيم
مصيره الضياع في الدروب

الحزن وايش بدنياك يا حزين جد

والله انا نتصنع الحزن
واللي يشوف مصايب غيره تهون عليه بلوته
وكل واحد فينا اللي مكفيه وشبع من (حلات) القدر............

ربي يكون في عون الرفيق أنا قرأت هالشي في صفحة الأعترافات عنه
وربي يديم لك شوق وتشوفها أحلي عروس
وربي يخرج جميع المساجين ويعيدهم في احضان أهلهم


يسلمو


تقبل تحيات
بيبي الملا

لاناااا

اسعدني مرورك

بقدر مابي من حزن

شكرا لكلماتك


دمتي