:::مــدخــل:::

لا نجيك ولاتجينا .. عن محبتكم سلينا ..
كل منّا في طريقه .. انتهينا .. انتهينا ..
وعيش في الدنيا حياتك .. شلّنا من ذكرياتك ..
مامضى ياصاح فاتك .. انتهينا .. انتهينا ..
الخطأ مرجوع مرة .. لكن سمحنا ألف مرة ..
مابقى للصبر ذرّة .. منك يكفي ماجنينا ..

:::لا عاش من ترجى فيك خير يلقاه:::

قالوا كل الجروح تطيب .. الا جرح القلب مايندمل دوم ..
وعشت معك بطعناتك بوسط قلبي ..
عشت الوهم في ذاتك .. وتبيني أعيش على أوهامك ..
ماعرفت أمشي دروب الخداع ..
ماعرفت أناظر في ظلام الكذب ..
ماعرفت أبتسم ابتسامة زيف ..
تخطئ وأسامح .. لكن خطاك كلما له يزيد ويكبر ..
بطيبتي أعدّيها ..
تحاول بكل الوسائل أنسى سود أيامك ..
لكن قسوتي بانت يوم وضحت الحقيقة .. صرت أقسى من الحجر ..
ولأني عالي مستواي مارضيت المهانة لنفسي ..
أبعد وأنت تبعد ..
ونسيتك وأبيك تنساني ..
ماعاد لي بالهموم أبي طاريها ..
ولا بطاريك أبي أتذكر طعنات في خفوقي ..
وش ترتجي مني ؟؟
ان كان لك بذكرياي باقي ؟؟
بأذكرك فيني وفيك ..
اعطيتك روحٍ فدوةٍ ترخص لعيون رضاك ..
وأنت رفضتها وردّيتها خايبة الأمل ..
أعطيتك شعور وإحساس كتبته بنظرات عيوني تنطقها نبضاتي ..
لكن شعوري وإحساسي ماتت بتغليك وجفاك ..
وتجيني بكذبة وكذبات وأصدق كذباتك أنتظر تاليتها وإياك ..
لقيتك ينطبق عليك أبوطبيع مايجوز عن طبعه ..
ونهاية كلامي ..
لا عاش من ترجى فيك خير يلقاه ..

يسلموا المفهي كلام قمة في الروعه سهوله في اختيار الكلمات السهله والبسيطه ابداع في ترجمتها الى لا عاش من ترجى فيك خير يلقاه000000000000اشكر لك ابداعك وكلاماتك فيما خطته اناملك

اعجبني:
اعطيتك روحٍ فدوةٍ ترخص لعيون رضاك ..
وأنت رفضتها وردّيتها خايبة الأمل ..
أعطيتك شعور وإحساس كتبته بنظرات عيوني تنطقها نبضاتي ..
لكن شعوري وإحساسي ماتت بتغليك وجفاك ..
وتجيني بكذبة وكذبات وأصدق كذباتك أنتظر تاليتها وإياك ..
لقيتك ينطبق عليك أبوطبيع مايجوز عن طبعه ..
ونهاية كلامي ..
لا عاش من ترجى فيك خير يلقاه ..


تقبل مروري

أخوي معقدهم ..
لك الشكر الجزيل على تواصلك الرائع مثلك .. وتسلم يالغالي ..

أختي رشا ..
ابيات البداية هي عبارة عن مدخل للخاطرة لاأكثر ولاأقل ..
ومشكورة على تواصلك الحلو مثلك .. وتسلمين يالغالية ..

ولكم اجمل تحياتي .