غركم مظهر جمـال البرتقالـه ....... ما عرفتوا وش حسبها من نسبها
لو بها حشمة وتخضع للعدالـة..... كان بين الناس ما هزت كعبها
هافي أصله وعمـه وآخوالـه ...... همها ترقص وتلهى في طربها
الجهالة من يناظـر هالجهالـة ...... ما يميز وش محرم من رجبهـا
واحسايف كيف يخدعكم جمالـه ...... والبضاعة كـل شّـرايٍ قلبهـا
البنات الحور في نجد الأصالـة ...... الحيا والستر من ربـي وهبهـا
الفخر بالدين ما هـو بالخمالـة ........ والنحاس نحاس يفرق عن ذهبها
شف بالي واحـدٍ مبغـا بدالـه ......... عرضها مصيون ما زولٍ سلبها
ما مشت عريا وداجت بالبقالـه ........ العقل والدين هو غايـة طلبهـا
والله اني كلمـا شفـت الرذالـه .......... كن جوفي يصهره حامي لهبهـا
حالة صرنا بها ما هيب حالـه ........ العقايب لا تجينـا مـن سببهـا
النمل لا طار ينذر في زوالـه ......... كم ديار منعمـه ربـي نكبهـا
مثل جنة عاد يوم الريح جالـه ........ صب ربك فوقهم حامي غضبها
العرب غنت على يـالال لالـه ......... والقدس تبكي وتنخى في عربها
صارت إسرائيل تقتل بالعمالـه ......... الشجاع من العرب منهو شجبها
والعراق اليوم وضعـه يّرثالـه .......... سلط الله بوش دمرها و نهبهـا
يالله احفظ دارنا مهـد الرسالـه ........... من أمور تشعل النار بحطبهـا

شكرا لك اخوي على هالمرور

يعطيك الف عافيه

صح لسانك


دائما متميز


سلمت لنا


ولاتحرمنا من هذا الابداع المتجدد


تحياتي لك

شكرا اخوي الكاسر لاهنت

يعطيك الف عافيه

وهذي اخر قصيده لي

تسلم يمينك ,,
على النقل الاكثر من رائع ..

تقبل تحياتي ,,

كلامك صح وصح لسانك
وتسلم على القصيده

شاكر لكم مروركم

تلميذه هالقصيده مو منقوله

ولو منقوله راح اوضح عليها