اخترت لكم بعض الابيات لعدد من الشعراء اتمنى ان تنال اعجابكم....
عـــــاتــــــب
ايه عاتب ولا حاسب والا قول الي تبيه
يعلم الله في سكوتك انذبح مليون مرة
ايه غالي والله غالي وبالغلا مالك شبيه
كل عشق عند عشقك مايجي مقياس ذرة
دون قلبك يشهد الله ضايع بين الوجيه
لا يذوق الفرح قلبي ولا عرف طعم المسرة
مدري صمتك هو تغلي ولا هجري ترتضيه
يعلم الله في صدودك الفرح مني تبرة
شوف حالي في سكوتك هاجسي كيف وليه
ارتجي نظره عيونك هذي عيوني تحرة
والنهايه يا حياتي لو عذابي ترتجيه
ياهلا بالموت لاجلك وانت تدري الموت مرة
.........
أبكي....
ابكي .. كثر ماتقدر
ولو تقدر .. غرقني بدموعك
ابكي الم .. ابكي فرح
ابكي ندم
ابكي ولا تهتم
سير الدمعه على طوعك
تعودنا واحنا صغار
نخاف من الرفح .. ونترقب الدمعه
وكبرنا واحنا صغار
ولا جانا الفرح .. ولا راحت الدمعه
واذكر يوم ودعتك
بكتني عيوني بحرقا
مادري على عمري؟
مادري على حظي؟
مادري على الفرقا؟
وقلت لك : وش بقالي؟
مابقى
وقلت لي : قد ألمنا الوداع
قد فرحنا باللقا
وجيت ولا عود فرحنا
والتقت بالعين ضحكه .. وسرحنا
ويفصح العين السؤال
هو صحيح احنا انجرحنا؟؟؟
................
متى صوتك يناديني؟
دموعي ثوبي العاري ابسترها .. وتسترني
دموعي ليه أوّل ماتذكرته .. فضحتيني؟
أخاف الدمع ما ينفع معاه .. ولا يعبرني
! وأجي لاموعد يسليني ولا دمع في عيني
تعبت من الظما.. ومن السراب اللي محاصرني
حبيبي .. هو متى ترحمني عيونك وتسقيني؟
متى قلبك يا أغلى قلب حبيته .. يقدّرني؟؟
متى صوتك يا أعذب صوت حاكيته .. يناديني؟
أنا.. هذا أنا.. لكن غبار الخوف غيرّني
بنظره .. تطلق أسراب الامل فيني وتحييني
تعال الله وكيلك مابقى صبر يصبّرني
تولّتني جروحك .. وانت ظالم لو تداويني
عيوني تحتري .. يمكن سحابه وصّل تمطرني
وقلبي .. آآه لوتدري بشي فيه موذيني
غريبه .. كيف اقول اني نسيتك لو تذكّرني
! واشوف البارحه .. كني ذكرتك وانت ناسيني
................................
قل وش تبي؟
قــل وش تــبــي هــذي عــيــونــي تــواســيــك
قــل وش تـبــي هــذي عــيــونــي لــك أرضــاه
بــس الــرضــاء يامــتــعــبٍ قــلــب غــالــيــــــك
حــيــثــك هـــوى قــلــبــي ولا غــيـــــرك أدواه
لا تــكــســر الــخــاطــر وانـا جــيــت اراضــيــك
الــخــاطــر الــلــي مــا ســلـــت عــنــك ســلــــواه
لــيــتــك تــحــن و تــقــبــل بــعــذر راجــيــــك
و تــرفــق بــقــلــب ٍ لاعـــه الــبــعــــد و اشــقـــاه
يــومــك تــنــام وعــيــن خــلــك تــنــاجــيــــك
حــلـــو الــكــرى مــامـــر عــيــنـــي و لا جـــــــاه
قــل وش تــبــي يـاشــف روحــي وانا اعــطــيــك
أمـــر .. وانـا لــك مــرخـــص الـــروح والــجــــاه
لــيــتــك تــكــلــــم أو تــئــشــر بــيــاديــــــك
والــلــه لا جــلــك .. لاهــجــر الــشــعــر وانــســاه
هــاتــي يــديــنــك واتــركــي كــل مــاضــيــك
خــلــيــنــي أنــســى جــرح قــلــبــي و بــلـــواه
.............................
ماكنا على الموعد ..!!!!!
مدري خوف .. والا وله
ضيع الخطوة بأقدامي
والا من حر اشتياق
وتاه بشفاهي سلامي
وياظامي .. اعرف انك
يجي منك ... رواي لو تعطش
ايامي
دواي لاعمق الامي
خذتني اشواق من عمري
تطوف بها الفضا احلامي
معقول الزمن يصفى
واشوفك فجاة قدامي
ومابيني وبينك باب
وكم كلمه
والف عتاب
وكل لحظه
يحسبها علي وقتي ...بألف
حساب
تواعدنا .. وماكنا على موعد
وكم مره تواعدنا
وخان الوقت والموعد
وانا يمه بوسط الناس والزحمه
وانا يمه
يخون القلب والاحساس
هالكلمه
وانا يمه .. احس ان العمر
توه .. غدى بسمه
وعطر ماذكرت اسمه
يحملني على النسيان
بلا علمي
ولا علمه
...................
ودي أنسى
ودي أنسى
ان قلبي كان مرسى
ترمي جروحك عليه
كل ما مريت فيه
بعدها .. ترحل وتقسى
! ودي أنسى
كان هالشارع ظلام
وكان بالسكه رصيف
دايم تجلس عليه
كنت اشوفك من بعيد
حاير بصمتك وحيد
وكنت ألمح فالسما
دخان طاير
من غيومك
واتحسس فوق خدي
دمع حاير
من همومك
تبتسم صوبي تنادي
لي تنادي!!؟؟
ما أصدق .. لي؟
تنادي
وليه تنادي؟
وانت ناسيني وغادي
! ودي أنسى
إني في ليله بكيت
يوم جيتك مادريت
انك تنادي علي
لجل تسألني عليك
عن عيونك .. عن جنونك
عن ألم جرّح جفونك
عن حبيبة قلبك اللي
للأسف كانت تخونك
! ودي أنسى
إن قلبي كان مرسى
ترمي جروحك عليه
كل مامريت فيه
بعدها ترحل
وتقسى
! ودي أنسى
ودمتم بود
كاندي
أنت غير مسجل في منتديات حبي. للتسجيل الرجاء اضغط هنـا 
المواضيع المتشابهه 
إحصائية
العضو
عاتب..ابكي...ماكنااا على الموعد..؟!!! 
.jpg)
.jpg)
العرض العادي
