فاطمة : البنت صح مسكينة وتكسر الخاطر بس انت ليه تسوي كل هذا؟
فيصل : والله ماعندي علم ؟ بس البنت مسكينه ومالها أحد في المملكة وبغيت الأجر
فاطمة : يعني لو كانت مزيونه قلنا حبيتها بس البنت ملامحها مو باينه للحين كل وجها كدمات وجرووح؟
فيصل : ههههه ياشيطنك يافاطمه وشتبين توصليه معنى كلامك إني ساعدتهالغايهفي نفسي ؟
فاطمه : مدري يافيصل أحس مافيه سبب تساعدها وأنت ماتقدر تبلغ السفاره الموجوده هنا وهم بيساعدوها أكيد
فيصل : فاطمه أنا بديت بها الشي وأنا اللي أنهيه .... خلاص أنا طالع بغيت حاجه
فاطمه : سلامتك يأخوي بسوين رايح؟
فيصل : رايح للمستشفى ..........اشرايك تروحين معي
فاطمه : قول كذا من أول ! أكيد أروح معك أجل ها أخليك لحالك لا حبيبي.....إلا صحيح أنا سمعت من الممرضه أن الدكتور خبرها عن أهلها السبت اللي طاف وأنا لما كنت عندها على طول نايمه وما تحس بأحد
فيصل : لا حول ولا قوة إلا بالله .......... الله يكون بعونها إنشاء الله....... حاولي إنك تخفيفي عنها
يطلع فيصل وهو يقول :خمس دقايق إذا ماجيتي أنا ماشي ....)
وتلبس فاطمه عبيتها وغشوتها وتلحق باخوها ويطلعون للمستشفى.
وفي المستشفى يطق الباب على مها ....
مها بصوت متحشرج مبحوح : منو
فاطمه : وهي تدخل : أنا فاطمه ممكن أدخل ؟
مها : هلا فاطمه
فاطمه : الحمد الله على سلامتك .................
مها : .................................................. ...........
فاطمه : أنا عارفه أن اللي حصل ليكي ماهو قليل بس الله موجود يامها
مها تبكي ............
فاطمه : خلاص يامها اللي راح راح والحي أبقى من الميت
مها : اهلي يا فاطمه شلون ما ابجي عليهم وأنا مالي غيرهم
فاطمه : طيب أمسحي دموعك لان فيه ضيف يبغى يشوفك
مها باستغراب : منو هاالضيف
فاطمة:وهي تقعد على السرير:اخوي فيصل سبق وقلتلك عنه ! 1هو الي ساعدك
مها : ايه تذكرته حياه الله انا بعد حبيت اشكره
فاطمة : وهي طالعة تنادي اخوها من عند الدكتور الي كان يسال ويكمل باقي الاجراءات معه
ومثل ماتعرفون في الكويت الغشوة شي مو اساسي علشان كذا لبست مها شيلتها بس طق فيصل الباب ودخل
سلم على مها وتحمد لها السلامة ماقدر يرفع عينه ويناظرها كان مستحي ومو متعود يشوف واحد مفرعه
مها بنبرة حزن : انت اكيد فيصل الي وبكت بكى يقطع القلب
انتبه فيصل ورفع راسه وليته مارفع شاف قمر يبكي حاول انه يتكلم لكن انبهاره فيها اكبر من أن ينطق يقول قلبه : حشا ماهي إنسانه إلا ملاك لا اله إلا الله . وأخيرا تداركت فاطمه الموقف : اذكري الله يامها لا تتركين الشيطان يضحك عليك لا تصيرين ضعيفه ,,,,,,,,,, قول شي يافيصل ؟؟؟؟؟؟؟؟؟؟
فيصل مثل المنبله : هاه صح لا يامها لا تصرين ضعيفه هذا تصرف غلط اهليك ماتوا الله يرحهم هذا اللي مكتوب ادعيلهم بالرحمه
مها وهي لا تستطيع أن توقف دموعها : بس هذيل أهلي تعرفون يعني شنو أهل يعني الدنيا كلها وين أروح عقبهم ؟ منو يقبلني ؟ خوالي احنا على خلاف معاهم وما أظن يقبلوني وأبوي وحيد أهله اللي ماتوا من زمان ماتقولون وين أروح هنا مثل الغريبه مالي أحد
فيصل : افا عليكي يا مها واحنا وين رحنا والله لصير لك مثل الأخ سند وعون إنشاء الله ...
مها وهي تمسح دمعها : أكثر من ألأخ ؟ فيصل أنا حبيت أشكرك من كل قلبي على إنقاذك لي وهذا فعلان كان عمل إنساني منك أنا أشكرك لأنك تستحق الشكر في نظر الناس لكن أنا أعاتبك "تبكي " ليش ماخليتني أموت معاهم ؟؟؟؟
فاطمه هي تقرب جنب هما وهي تضمها : مها حبيبتي بسك عاد يمكن الله له حكمه في اللي صار وانشاء الله أمورك تتحسن وإنتي ماتدرين عن المكتوب ؟
مها : ونعم بالله !!! فيصل مابي أكون وقحه وجريئه معك بس ممكن طلب ؟
فيصل : افا والله انتي يامها تامري مو تطلبي
مها تسلم |||| بس أنا أبي أرجع الكويت
فيصل يرتبك ويحاول يخفي إرتباكه : الله يهديك بس الزم ماعليكي راحتك وانا اخوك وبعدين يحصل خير
مها : ماتقصر بس إنا حاسه بتحسن شوي ....أقول أخ فيصل ..أنا سمعت إنه هذي مستشفى خاص وتكلفته كبيره وأنا ماودي أثقل عليك
فيصل يقوم وماوده أصلا يقوم : يابنت الحلا لا تشلين هم شي الحين أنا اللي أدفع ولا أنتي ...يالبخيله ؟؟
مها بخيله : أنا مو بخيله من قال ؟؟؟؟؟؟؟؟
فيصل :هههههههه حطي نفسك مكاني وش بتسوين ؟؟
مها : مدري !!!!!!!!!
فاطمه : مو كأنكم نسيتوا وحده ضعف أعماركم ورها عيال وبيت ومجابلتكم ؟؟؟؟؟
حس الاثنين أن فاطمه تجمعم بالكلام وكأنهم يعرفون بعض من زمان بس كان شعور غريب
فيصل : ما عاش من ينساكي فطوم بس يالله عاد مشينا ثقلنا على البنت وهي تعبانه
يطلعون من عندها وترجع مها للمراه والحزن والكابه والدموع اللي بعدها ما جفت وترجع فاطمه لبيتها وعيالها ويروح فيصل بأفكاره يفر شوارع الرياض ويدور براسه هالحوار :
والله إنها قمر أحلى بنت شفتها بحياتي ...هو أنا كثر ما شفت من بنات ... بس عن جد حلوه رغم أثار الجروح بوجهها وإنها مكسوره بس فيها براءه عجيبه يحليلها والله إنها حبيبه ...........مسكينه هالبينت
عجيبه مها بيبيضها وعيونها الحلوه سود ووساع خشمها الدقيق المتوسط الطول وفمها المليان .......... ناعمه وحلوه ..... رغم انه ماشاف شعرها بس للعلم كان شعرها أسود وطويل وناعم يغطي نصف ظهرها وجسمها قبل الحادث كان مليان شوي بدون ترهلات وعقب الحادث والمأساتان فقدت كثير من وزنها .... ما يحتاج أقولكم عمق المأساة اللي كانت فيها مها ومدى الألم اللي تعيشه والجرح اللي تشيله كان كفيل انه يعيشها الحزن مدى الحياة كانت تدعي على نفسها وكانت تمنى لو إنها ماتت معاهم بعدين ترجع وتحسر ........ أكيد كان الشعور الطاغي .... الغربه
فيصل شاب في مقتبل العمر 23 سنه اهله عايشين في منطقه تبعد عن الرياض حوالي 250 كم وهو لظروف شغله كان ساكن عند اخته بالرياض اللي عايشه عند زوجها اللي هو ولد عمها وفيصل ساكن عندهم .. فيصل شاب وما عليه كلام في الجمال وطبعا الرجال بشخصيته وأفعاله بس هو فعلان كان جميل : طويل ضعيف أسمر مو كثير شعره أسود ناعم طويل لحد ما .. له شوارب ولحيه خفيفه.. فاطمه هذي أخته وعمرها 35 سنه متزوجه ولد عمها نواف ويموت فيها الانه بجداره جابتله 6 عيال الله يخليهم لها وبنت صغيرونه وهي اللي مدلعه بالبيت كله اسمها أميره وعمرها ثلاث سنوات .
طبعا القصة منقوووووله
من أيملي
إذا عجبتكم بكملها........
أنت غير مسجل في منتديات حبي. للتسجيل الرجاء اضغط هنـا 
إحصائية
العضو
بشرووووه أني برحل 
