سلام عليكم ورحمة الله وبركاته
هذا قصيده شخص يحاول يختبرني في الشعر وطلب مني قصيده على قافيه معينه




ياصاحبي بالله قل وش دهاكا
وش جاك يوم الباب قدمي تصكّا


دهورتني بالحب قل وش بلاكا
شككتني واقول ما فيك شكّا


ما همني يكود غيري خذاك
الا حاصلٍ قربك ولا منك فكّا


كم لي وانا يا صاحبي في رجاكا
رجوى السجين اللي يتحرا مفكّا


انا العليل اللي يترجا دواكا
وانا الحزين اللي همومه تدكّا


داو الجروح اللي سببها جفاكا
ولا استلم قلب الشقا ثم ذكّا


إما تجي ويطيب جوي معاكا
ولا تروح وما مضا معك زكّا


تحدني وأطا الوعر من غلاكا
واجيك سيلٍ جارفٍ مع مضكّا


واليا لقيتك صار فّي ارتباكا
حبك يدكا القلب ياهيييه دكّا


عذبتني واتعبتني في هواكا
واليا طرى طاريك قمت اتشكّا


ماغير اهوجس فيك واتبع نحاكا
ما فيه غيرك قلبي اليوم ضكّا


اوصلتني حبل الدرك والهلاكا
وبريت حالي بري عودٍ يحكّا


لولاك ما داج القدم في حماكا
ولا فيه غيرك ناظر العين بكّا


ياحظ من حط يده بيداكا
واخذ عليك بشرع الاسلام صكّا

يعطك العافيه اخوي

مااروع هذه الاحرف حينما التمت لتشكل روعة من روائع الجمال...

الروعة والجمال تكمن في روحك الطاهرة ....

الروعة والجمال تكمن في مشاعرك الصادقة....

فالقلب الذي يتكلم بالصدق هو من يستطع أن يترجم تلك الحروف وان كان القلب مجروح...

رووعه وعلى كذا إنت برضه شاعر محاوره ؟



صح لسانك



اختك ترانيــــم

يسلموعالمرور الرائع
مرام شكرا على انتقادك
بس ترى مو على نفس الحرف تختلف اختلاف واضح لو لاحظتي الصدر على ثلاثه احرف والعجز على حرفين


ترانيم شاعر
اسعدني وجودك خيتوو

شقي ودلوع
الف شكر على مرورك الرائع

بــدر العتـيـبي ,,



ماقصـرت اختي مــرووومــه بس مو كل كلامه صدق هههههههه


انا اكتفي باللي كتبته ,,


وصراحه هي شاعــره ..



اختك دمعــة وداع

دمعة وداااااع
مشكوووووووووووره على مرورك الرائع
واضح من كلام مرام انها شاعره الله يوفقها

انا العليل اللي يترجا دواكا
وانا الحزين اللي همومه تدكّا
داو الجروح اللي سببها جفاكا
ولا استلم قلب الشقا ثم ذكّا

صح لسانك بدر


وسلمت يمينك

ع الكلمات رائعهـ

تحياتي