وين أنت .. مل القلب من قول وين أنـت
غيبتك هذي وين .. واشلـون أبلقـاك ؟!
مشتاق لك .. قلي بأجـي ويـن ماكنـت
ماعـاد فينـي عـرق مـالاذ بحـمـاك
مابان لي بـرق الأمـل وأنـت مابنـت
وأنـا علـى خبـرك سهـرت آتحـراك
تذكـر غرامـي أو تناسيـت أو خنـت
ولا مـع الأيـام .. لاهــي بدنـيـاك
قلي وش اللي صار فـي البعـد لاهنـت
قلـي ترانـي محتـرق جيـت أبهـواك
شف كيفني شبت .. ونحلت .. وتلونـت
شف كيفني بعت الكرامه علـى رضـاك
جيتك على الميعـاد .. ماقلـت هونـت
ضاميك .. مدري جيت بردان .. أبدفـاك
لاتقول وش جابك بعد ضعـت وادمنـت
وأنـت سبـب ضيعـة خفـوق تمنـاك
مانـي بقايـل أنـت قاسـي ولا لنـت
بأقول أنـا ليـن وجيـت آتقسـواك !!
جيتـك بدمعـة طفـل منهـا تكـونـت
يمكن دمـوع الطفـل تجـرح زوايـاك
في جعبتـي دفتـر شعـر فيـه دونـت
ونـات قلـب بيـن الأضـلاع نـاجـاك
وفي راس مرقاب الهوى رحت واعلنـت
انـي أحبـك حـب مـن زوده أفــداك
لامرنـي طيفـك نشيـت وتسلطـنـت
ثم فز لـك هاجـوس شعـري ونـاداك
أنا أدري اني بالشعـر قلـت وأحزنـت
وأبكيت باب لحـب .. وأدميـت شبـاك
وفي واقع حروفـي لـو انـك تمعنـت
بتشوفنـي ماقلـت الأشعـار لــولاك
دامك على عـرش الغـلا بـي تمكنـت
ماهـو خطـأ منـي ولا مـن خطايـاك
ليه الجفـا ياللـي علـى قلبـي أمنـت
وأمنتنـي عطـرك وبـاقـي هـدايـاك
مـن يـوم ماأمنتنـي قلبـي أيقـنـت
ان الـوداع اصبـح قريـب لنـوايـاك
سميـت باسـم الله وبأقـداره آمـنـت
وشديت مـأزر صبـري إنـي أبسـلاك
آسف عجزت أنساك .. حاولت .. وأهدنت
وقـررت أدور عنـك أو عـن حلايـاك
وتعبـت أدور عنـك .. جيـت وتعينـت
مافيـه أثـر أقـدام تشـبـه لـلامـاك
طـاردت دخانـك وضعتـك ودخـنـت
ولهثت عطشانك .. ولا أعطيتنـي مـاك
وش حيلتي وأنته بتعليقـي .. أحسنـت
إلا بقصيـدي أكتبـك شعـر وأقــراك
يومك نويت تروح .. صوبـت وأتقنـت
وخليتنـي مانسـاك مانسـاك مانسـاك
بين الضلوع العوج فـي القلـب قننـت
وعزك صوابك .. لاعدمتـك .. وأغـلاك
ماأقول لـك فضحتنـي .. بـس بينـت
أسرار قلـب يعشـق أقصـاك وأدنـاك
واليـوم أنـا كـل ماتوضيـت وأذنـت
دعيـت ربـي يجمـع خطـاي بخطـاك
أنت غير مسجل في منتديات حبي. للتسجيل الرجاء اضغط هنـا 
المواضيع المتشابهه 
إحصائية
العضو
العرض العادي
