مراهيش نوك ماتبل الورق ياهن = لها اليوم تاسع يوم تبرق ولا سالت
يقولون : لاضاقت عليك الوسيعه غن = وأنا أقول : شفت مقرد الخلق .. وش قالت
أنا البارحه من يوم غابت الين اذن = تحلوى عيوني للكرى مير ما احتالت
يثوع النعاس من ارمد الجفن يوم تعن = سراميد غيض ٍ بالحشا حبلها فالت
ماغير اتدرق باسمر الليل لالجن = هجوس ٍ تخطرت هيبة الجرح واختالت
هجوس ٍ ليا قامت تكرب وقمت اون = تصرم معاليق الحنايا ليا انهالت
ذلول الهجاد اللي نبت في جماها سن = من العام تثعى في ضلوعي ولازالت
حلال الذهاب الى استشاطت لبسها جن = عساي اتجود في نحرها ليا مالت
وأنا !! يوم امس بطانها ماعليه من = يدين الهوان أن حطت اللوم وان شالت
ابا زم نفسي عن طمان ٍ هواه مصن = واعدي لجفني وارقب العين وش خالت
عليها الملام ولا عليها السلام ابدن =يدين ٍ تبي قصرة يديني ولا طالت
بعد مانفضت غبار صدري.. ولد .. ياهن = بعد ماروت روحي من الغيض واكتالت
يقولون ! : لي ضاقت عليك الوسيعه غن = وأنا اقول : شفت مقرد الخلق وش قالت
من روائع الشاعر 00 مساعد بن ربيع
اتمنى ان تعجبكم
أنت غير مسجل في منتديات حبي. للتسجيل الرجاء اضغط هنـا 
إحصائية
العضو
العرض العادي
