السلام عليكم ورحمه الله وبركاته
القصه هذي صدق صايره لي
في نهايه الاسبوع الممل مثل العاده تنتضر يوم الربوع بفارغ الصبروطبعا الكل
يوم الاربعاء تحصله يضحك ومبسوط الابتسامه تشوفها وانت بعد كيلو
وتكثر السلامات والواحد يسال عن الي ماشافهم من زمان والاخلاق تصير
(ميه ميه ولا فراخ الجمعيه) الكل بس ينتضر انتها الدوام
مثل العاده انتها الدوام ابسط (يامخاوي من قدك) طبعا توصل للبيت وانت جميع
انوع الجوع لاعب بك واهلك يوم الربوع (يخبون)اخوانك الصغار عنك لا تاكلهم
تسويهم فاتحت شهيه
طبعا اتغديت الحمد لله ووينك يافراش وهاتك نومه((نوم العوافي))
المهم فتحت عيني الا الجوال يدق الساعه عشر اليل (ياخساره يوم الربوع)
المتصل واحد اسمه عزوز وصارت ذي المكالمه:
مخاوي:سم
عزوز:صباح الخير باليل توك صاحي
مخاوي:أي والله كم الساعه
عزوز:الساعه عشر قم اخلص ابيك
مخاوي:خير وش عندك
عزوز:تعال للستراحه وانت تعرف
وانتهت المكالمهوقمت على ملا وشي وش عنده ذا (بدت حركات القافه)
طبعا كشخت وتجنتلت واتجهت للستراحه لما وصلت للستراحه
اشوف مافيه الى سيارتين(غريبه العاده الفين سياره) والانوار خفيفه ويوم ربوع
اكيد فيه شي صاير
ارفع الجوال اكلم عزوز انتم وين قال احنا بالاستراحه ادخل حياك
فتح الباب دخلت وليتني مادخلت!!!!!!
شفت ديانا في وسط بيت الشعر وشكلها متبهذله وهي مره تطالعني بعين حقد
ومره تبي اني ارحمها طالعت عزوز قلت له وش جايب المسكينه هذي عندكم قال
ادخل عليها في بيت الشعروشفها من قريب اكيد بتعجبك!!قلت له انا مستحيل ما اقدر
انتم وش مسوين فيها
قال هيي ما تسمع الكلام وضربنها عساس تتادب رح لها شفها (تبون الجد كنت خايف)
طبعا جلست بالمجلس وقلبي يرجف وجلست افكر في ديانا وش بيصير
انا الحين وشلون اطلع من هنا ولو راحو الشباب وخلوني معها وش اسوي
الف فكره وفكر جت ببالي
المهم اني قررت اطلع من الاستراحه بلا رجعه قلت لشباب انا ماشي قالو اليل توه باوله
اليوم مافيه مسرى انسى الموضوع ولا بنادي ديانا تتفاهم معك
انا سمعت اسم ديانا من هنا الى وتدقني ام الركب واقعد اتراجف قالو اذا طلعت من
هنا وربي لا نادي ديانا (السالفه صار فيها حلف)انقلب الموضوع جد
المهم جلست وكل شوي واحد رايح لديانا وواحد راجع منها وانا اطالع وساكت
الى ويدق الجوال قلت جاك الفرج يامخاوي المتصل يبيني ضروري وبعد اقناع
وافقو اني اطلع بس بشرط ادخل عند ديانا!!!!!
والله الورطه وشلون اصرفهم وافقت (مجبر اخاكم لا بطل) ابي الفكه
دخلت على ديانا ببيت الشعر اول ما شافتني وقفت ترحيب لي جيت انا وحطيت
يدي على راسها وصرت امسح عليه رحمه لها((يابو قلب حنين انت))
تبون تعرفون من ديانا
كلب من نوع دوبر مان من اشرس انوع الكلاب الي لو تهد عليك والله ان يجمعون
عضامك بكيس صغير وباقي جسمك((عليه العوض ومنه العوض))
تقبلو تحيات
مــخــ طعونه ــــاوي
أنت غير مسجل في منتديات حبي. للتسجيل الرجاء اضغط هنـا 
المواضيع المتشابهه 
إحصائية
العضو
العرض العادي
