ابدها بثري دبليو بعدها حـط الـك دات ..
وحط رابطك المفضّل واختم الجملـه بكـوم
لاتقول ابحث في قوقل صدق ماعنّه غنـات
بس فيها فرق ياخي بين صقر وبيـن بـوم
يـوم كل(ن) يهتوي له بنت أو جملة بنـات
الله أكبر يازماني كان أبطرد هالـعـلـوم
لو بأدوّر يمكن القى !! الا بألقى هات هات
هات قرطاسي عساني ماأنحرم شوفتك يوم
هات ياقلب ٍ ملك طيبه لو تـوزّع زكـات
مابكى فيها فقير ولا بكـى فيهـا محـروم
ماطرى لي حب غيرك !! لا ورب العاديات
كيف أساوم فيك وأنته كنز مايفرقـك سـوم
لارضى قلبك عليّـه ماأبـي زود أمنيـات
فالشقى قلب ٍ حنون وفالمهابـه شيـخ قـوم
لو تباعـد بك مسافه عدّها حذفة عصـات
هاك عمري لوبغيته واعتبر مالـي لـزوم
" نوره " آسف ماوفيتـك لوبسبـع معلقـات
جعل يومي قبل يومك لا و لا يلحقـك لـوم
أنت غير مسجل في منتديات حبي. للتسجيل الرجاء اضغط هنـا 
إحصائية
العضو
العرض العادي
