آخر مواضيعي 0 اســـرار الكـــيبورد...مفيد 0 #---# هـــديـــه رٍمــضــان #---# 0 100 الف عضو والمسيره مستمره 0 ҳ̸Ҳ̸ҳ نغــمـآ‘تـ مــن صنعــي :من آالبوٍم مسآ‘رٍيMaSsArI حصرٍيآ‘ ҳ̸Ҳ̸ҳ 0 "(¯._.·(احـــبــAــHـــــك)·._.¯)"

 

لا ردك الله لا ولا اطلب تردين ......ادعـي عليـك بعثـرة فـي صلاتـي
عثره تشلك مـا بعدهـا تقوميـن ......يـا قاتلتنـي يـوم صرتـي حياتـي
خدان لك بالقلب كانـت بساتيـن ......وريضـان وغصونـا بهـا يانعاتـي
كنتي مناة القلـب والـروح والعيـن ....واليـوم عينـك يعلهـا مـا تباتـي
كنت أحسبك للعهد والحب توفين ..قلتـي الغـدر بالحـب ماهـي بسواتـي
وحلفتي يميـن الله مـا منـك اثنتين.......وانـك مـلاك دون كـل البناتـي
وانك على عهد المودة تسيريـن ....ولا تسمعيـن أهـل الحسـد والوشاتـي
وصار اليمين ستار خلفه توارين .......ورماح غـدرك بالخفـا مشرعاتـي
وبان الغدر سم جـرى بالشراييـن ......الله عسـى يسقيـك سـم الفعاتـي
كلي سقيتك حـب واليـوم تنسين........تقوليـن حلـم ايـام واليـوم فاتـي
خذتي الهوى لعبه على ما تحبيـن ......ليـن عصفـت بالهـوى عاصفاتـي
من زينك يا بنت بالشعر تزيين ............ من صـورك بابياتـه الطايلاتـي
انا من غرامي قلت كانك تذكرين ...... قلت الخجل صاب البدر مـن مناتـي
وصرتي بشعري في العذاري تباهين.تقولين انا شمس العصـر فـي حلاتـي
زينتك بشعري ولا غربك الزين ..........ما زانتك صبغات حمـر الشفاتـي
صورتك بالشعر حزام ورياحين .......واثرك هضاب وشوك ما بـه هداتـي
رسمتك سحابه خير قطر تنفين .........فزت لك الصحراء زهـور ونباتـي
رسمتك مهاه للجميله تقودين .............واثرك قطيعه وضيعتهـا الرعاتـي
واثرك غراب يوم سدل الجناحين ......كنت احسب اني شايف لـي قطاتـي
بالشعر غليتك على كل غاليين ...........واثـرك دنيـه وتعشقيـن الدناتـي
وبالشعر عاتبتك عتاب المحبين .........انا من يسوم الروح لـك يـا غناتـي
توسلت لك خايف على حب عامين .......عامين لكن فـي حسابـي مئاتـي
ناديت لكن لي ابد ما تسمعين ...........عمري وروحي فكـري فـي ثباتـي
حذراك للشينات عمري تماشين ............عديمات اصل اخلاقهـن دانياتـي
غاب الولي عنهن ولعبن بحبلين ................يا خس واليهن وخس الولاتي
ما همهن في الناس زين ولا شين ...........وقلوبهن من حقدهـن مظلماتـي
وقلتي وربك لو يكونا ملايين ..............ما غيرن بالطباعهن مـن سماتـي
تحسبين انك بالمهافه ترقين .................كيف الصعود يكـون للهاوياتـي
وخنتي وبعتي كل عهد وايامين ............ما عاد يفرق بين ماضـي واتـي
وصرتي مثل غيرك برخص تبيعين .........يا مرخصتني ما بقى لك غلاتـي
صبري نفذ واليوم ثارت براكين .............مظلوم انا وباكر تحل ادعواتـي
سمعي عسى من بعدها ما تسمعين ...سمعي دعا من صـار قلبـه حصاتـي
ادعي عسى من ناضرك ما تشوفين ......وتطحن بك الايام طحـن الرحاتـي
وعساك عوق منه ما عاد تبرين ..............عوق تشافق له قلوب العداتـي
ويالله عسى يحتار فيك المداوين ...........تبين الممات ولا يجيـك المماتـي
ويالله عسى كف الندامه تعضين ..............تندمين يوم انه يفوت الفواتـي
وتبكين دم يسيل من مقلة العين .............وتحتار امك عن عناك وتحاتـي
عسى ما تلاقي من له القلب تهدين .....وان حصل ادعـي عسـاك الشتاتـي
يا بلوة اللي وسط بيته تعيشين ..........ساهي وحوله شب جمـر الغضاتـي
عسى بعمرك ساعه ما تهنين ..............وتمضي حياتك بين هـم وشقاتـي
يا بنت قلبي وين مثله تلاقين .................قلبا عطاك الحب ما قال هاتـي
جيتك وروحي شلتها لك بكفين ............وفي التاليه رمح الخيانه جزاتـي
يالله عساك النار يا أم وجهين ................كله انكشف لا ما تفيد العباتـي
ويالله عسى تلبسك جن وشياطين .....وتكونيـن مدعـاة الحكـي والشماتـي
يا حيـة رقطـا تقـود الثعابيـن .........باكـر تحـن ايامـك المعتماتـي
وباكر على فعلك بمثله تجازين ..............ظلم المشاعر ما تحكمه قضاتي
بيني وبينك تحكم ايام وسنين ............وانا شاهدي قلبا مـن الغـدر ماتـي
ويا دمعة التمساح لالا تذرفين .................العيون رغم ادموعها كاذباتـي
لا ما عرفتي الحب لا ما تحسين .............وغدرك تعدى غدر ذيب الفلاتي
الذيب يعوي قبل يغدر بمسكين ........وانتي غدرتـي خافقـي فـي سباتـي
لو كان غدرك في كفوف الموازين ......لكـان رجـح كـل غـدر البناتـي
انتي السبب سقتي على القلب .......جرحين غدر الغرام وموجع الذكرياتـي
وانتي السبب واليوم لالا تلومين ....... وان جاك باكر شوفي اشلـون يأتـي
والله لاكتب وافضحك في دواوين .........وارقص واغني يوم خبر الوفاتـي
وارسم لاهل العشق قلبا وسهمين ............وقصة خيانه ما روتها الرواتـي
ويمين لانشر فوق اسمك عناوين ........واشهرك من قاصي اليمن للفراتـي
ومن غرب هالدنيا الى قاصي الصين .....ديـوان غـدر فيـه كـل اللغاتـي
والبادي اظلم سنة العين بالعين .............والا فذي لا عادتي ولا صفاتـي
ويا شبه انسانه برأس ورجلين .............اعوذ بالرحمن منـك بالصلاتـي