السلام عليكم و رحمة الله و بركاته









سلخيــــــــر جميـــــــعا



يووووووه يا أنا والله مستحيه منكم بكل ما تعنيه الكلمه و القلم و الحرف و الجدار و الاصبع

قد يتساءل البعض عن سبب اختفائي !!!؟؟؟

و من المستفيد من وراء هذه الحركه !!!؟؟؟

هل للموساد رجل أو يد في هذا الموضوع !!!؟؟؟

و كم من فترة سأبقى جاحدتكم !!!؟؟؟





و لكني الآن و بكامل قواي العقليه أقول لكم .. نعم أنا جحدتكم .. نعم أنا طنشتكم .. نعم أنا زلبتكم .. ولكن هل تدرون ليش ؟؟

طبعا لا و لن أقولكم .. بس اتمنى انكم تعذروني يا جماعة الخير والله و قسسسسسسنب بالله جتني ظروف قويه ماشيه 220 كيلو متر في الدقيزه

هذا أولا .. أما خامسا انشغلت باختباراتي اللي تضيّق الصدر و تجيب الهم و النكد و القرف

و الحمد لله بعد كرف متواصل دام شهرين و ربع جت النتيجه تبيّـض الوجه كما يبيّـض الكلوركس الملابس ( لعنبو التشبيهات اللي كذا يا شيخ ) كل درجاتي ( يعني علاماتي لغير الناطقين باللغه الأسبانيه ) منتااااااااااازه بالحيـــــل

بعد 3 سنين بكون توني في المستوى الثاني .. كليّة محاماة .. قسم سباكه و كهرباء تخصص فيزياء نوويه و فلك .. لا والله من جد إن شاء الله أكون متخرجه من قسم أدب انقليزي بس متى ؟؟ الله أعلم ؟؟ راحت كم سنه و أنا حايسه .. ياهوووه على كم سنه وحده نصابه بنمره و استماره .. مع العلم اني ما ادري ايش معنى هذي الجمله بس دايم اسمعها و ان دل على شي .. دل على حسن استماعي و اهتمامي بالثقافات القديمه و المعاصره .. بس أهم شي الاخلاق و حب الوطن و ربط حزام الامان

لكني أخبركم و بكل صدق لمنتدى حبي موووووووت بكل مافيه من شين و زين ( هذا إن وجد فيه شين أصلا ) والله و ما حلفتوني إن المنتدى يجري في عروقي كما تجري و تطفح المياه في الشوارع اذا امطرت علينا فيذا في الرياض و انسدت شوارعنا و خاصة مخرج 14 ( تشبيه بليــــغ ) .. هذا بالنسبه لسبب غيابي عن المنتدى الطيّـب الخطير منتدى حـبـي ....

===================
اتركوني اخبركم بما كنت عليه من حال أيام جحدي لكم في الشهر اللي فات .. كنت أتتبع أخباركم كل يوم بشغف .. و أفتح المنتدى و جمبي زمزمية شاهي و قوطي فاضي و باغه فيها فصفص .. قد تتساءلون لماذا هذا القوطي الفاضي .. و قد لا أخبركم .. ولكن عشاني دمووعه و الأجر على الله سأخبركم سبب وجود هذا القوطي الفاضي .. فهو عشان اذا قشمت الفصفص وين احط القشمات ؟؟؟ في القوطي الفاضي هذا .. فهمتوا يا مخ

نطقة أخرى يجب التنويه عنها ألا وهي المشاركات الطيّبه من الجماعه المميزين في المنتدى بصراحه ما ودي اذكر اسماء بس فيه ناس ما تقدر تتجاهل مشاركاتهم و على سبيل المثال الأخ فهد وكفاكـ فخراً والمبدع الحنون وأم نـاصـر الرائعه ورعـــووود الكل رعــد والوسيم وهموسه وسكر والبارق ومبروكـ على تغير اسمكـ إلى القلم ووسام وكثير كثير وجمال الروح ورهف ودعدوعه والمجهوله ودمعة الم وخليجيه وليان ورشـــوشــــه رشــا حبيبتنا خليتها اخر شي ... هههههه والله كثار الناس و لو بقعد أعد من هنا لين بكرا ما راح أنتهي لذلك انتوا عارفين انفسكم أتوقع ....



ختاما أود تحذيركم سيكون هناك فترة انقطاع أخرى مقبله عليكم و لكن لم تردنا الأمبااااااء بوقتها حتتى الآن و لكن... انتظرووووا ... انتظرووووووا ها قد وصلتنا بعض الانباء من مراسلنا في البراحه اللي قدّام بيتنا بأن الاسباب ستكون من أجل رمضان المبارك المقبله على الدرايش .. و يرجى كذلك من الإخوه المستمعين مؤازرتي في هذه الفتره و سووا نفسكم مشغولين <--- وحده فاهمه غلط ... تذاكرون مثلي عشان ما اصير انا بس اللي قاعده ااصوم .. و من سرعة المنتدى شوي تكفووووووووون .. حسسوني اني مو لوحدي في المصيبه هذي

اختكم الحايسه الى أجل غير معلوم


( انتا مافي معلوم .. أنا مافي معلوم .. كولو مافي معلوم .. ايس هادا .. مين في معلوم )



دمــعـــة وداع


إنتظرونا في الاصدار القادم

سأخبركم سبب وجود هذا القوطي الفاضي .. فهو عشان اذا قشمت الفصفص وين احط القشمات ؟؟؟ في القوطي الفاضي هذا .. فهمتوا يا مخ

ههههههههههههههههههههه


تدرين انك جننتيني علشاني ما فهمت الا شوي


لا ما زعلنا ولاشيء

بس انشاء الله نجحتي

صراحة مدري انا أقرأ خبر ولا قصة مؤلمة ولا استهبال يعني حصل عندي تداخل عظيم .. ههههه

على العموم اختي دمعة وداع .. منتدى حبي وجميع الأعضاء سنكون في انتظارك ..

تحياتيـ لكـ , , ,

اخوك فــ@ــد

اهم شي ركزي على الدراسة والمنتدى لحقانة عليه ...

مافهمت


وين المووووضوووع .. ؟؟؟

الله يحييك والحمد على السلامة
ومبروك النجاح
ونشاء الله تنجحي

بس الزبدة وش المطلوب منا هههههههه

على العموم الله يحييك مرة اخرى بين اخوانك وخواتك

وتقبلي مروري

فااااااارس

ههههه

الله يوفقش في دارستج وماجين لنا الا رافعة راسج بالشهادة العالية

الناصر لدين الله انشالله ابشررررررر


ومثل ماقلت كل شي ملحقين عليه إلا الدراسه


تسلم