بسم الله الرحمن الرحيم


القصيدة التي أثارة غضب بنات الخليج ونشرت في مجلة فواصل
مدح شاعر بنات المغرب وذم بنات الخليج بنات العفه والشرف والزين كله
ورد عليه ابن شارخ والمرحوم طلال الرشيد
اتركم مع القصيده والردين
ياللي تنشّد عن علوم الذي طــاف ** كــــل البحور وكل دولة وديرة


خذ من علومي علم أوصافه أوصاف ** جزلٍ سمين يشتعل له ســـعيره


الزين عقب المغربيات يــــنعاف ** غيدٍ لهن بالزين ذكره وســـيره


فيهن حلا طاغي ولين وتـــعطاف ** وفيهن حنانٍ يشعل القلب غــيره


حلوات وصف وفاهماتٍ بالاعــراف ** زينات منطق صافيات الســريرة


بنات قومٍ طيبهم غصب يـــنشاف ** اولاد مغرب بالليالي العـــسيرة


ياللي تنشّد عن علومي بالانــصاف ** هرجي يكفي صامله عن كــثيره


الزين في لميا وتغريد والــــطاف ** ماهوب في حصة وكشرة مـنيرة



وهذا رد ابن شارخ على قصيدة المغرم ببنات المغرب

قال الذي في بدع الأمثال صـرّاف ** جزلٍ يفرق بين درهم ولــــيرة


ياللي مدحت المغربيات بــجحاف ** الله يجيرك من عماة البـــصيرة


لـــو تعجبك لميا وتغريد والطاف ** مايصلحن لهلالوجيه الســـفيره


مفصخات ولبسهم حــول الارداف ** وبليس أغواهم بكشف الســـتيرة


متعوداتٍ كلهم زيف وخــــفاف ** على التغنج والتعطف وغــــيره


كل يوم مع صاحب ولافيهم أعـفاف ** خويّهم اللي فلوســه كــــثيره


ترى البضايع عدة أشكال واصـناف ** وكلٍ ينوخ وسط سوقه بــــعيره


عز الله ان الطيب في بنت الاشراف ** اللي على الحشمه تربّت صـــغيره


ولا تبيّن منّها كود الاطــــراف ** مثل القماشه فالبحور الغــــزيرة


ياللي تدوّر بالجواهر والاصــداف ** الزين كله في بنات الجـــــزيرة


وهذا رد للمرحوم طلال الرشيد (( الملتاع )) .. الله يرحمه

يابن الحلال ان طعتني خل الاسراف.. واترك جمال الغيد لاهل البصيـره

الزين موبس في الملامح والاوصـاف .. الزين روح وعفه وطيب سيـــــره

مانيب من يهوى سريا وانصــــــاف .. انا هواي وبس بنت الجزيــــــــــره

بنت الخليج اللي تماري بالاعــــراف .. وحنا نماري باسمها كل ديــــــــره

مالي غرام بقول وخا وبالـــــــــزاف .. اذبحتني عند الطرحه المستديــره

احب قولة ياهلا وعل وماخــــــلاف .. من بنت ثوبي بنت الارض النضيـره

اللي تحلاها الظبي حلو الاطــراف .. جمال في عفه ورقه وغيـــــــــــره

واللي بها سحر مهو سحر عـــــراف .. ياعل عين ماتراها ضريــــــــــره

عطف وحنان وذوق في لين الاعطاف .. والى كشفت لثامها شفت أميره

صعب على اللي بالردي شاف ماعاف..وحلوه على اللي سنه الله ضميره

شمس الى من اشرقت والدجا طاف..غابت نجومك غصب لو هي كثيـره

السيف مايزهى سوى كف سيــاف .. والخيل دون حصانها مستخيـــــره

بس أنت دورلك على قدك لحــــاف .. وان طعتني دور بدلنا عشيــــــره

تحياتي لكم
السامبا

مشكور اخوي على ها القصيده وصح لسان ابن شارخ وطلال الرشيد على الرد المسكت والله يرحم الفقيد يسكنه واسع جناته

أخي الأصابع لا تتساوى ولا تتشابه

فكما يكون في المغرب بنات متبرجات

أيضا عندنا بنات متبرجات ..

وكما يكون في المغرب بنات محتشمات

أيضا عندنا بنات محتشمات ..

والجمال هو ليس جمال وجه أو جمال جسم

إنما جمال الروح وجمال النفس ..

دمت متألقا

ودمت بصحة وعافية

وتقبل فائق تقديري وإحترامي
اخوووك
تناهيـــــــــــــــــــد

يسلموووووووووووووووووو الجميع المرور المميز والرد الجميل

اخ تناهيد كما قلت الجمال جمال روح فعلا

تحياتي للجميع :)