في أحدالليالي وفي وقت الناس نامين فيه...تقابل الضب والبعير شرواكم

وراح كلن يشكي للثاني عن مشاكله الزوجيه...:


نترككم مع الحوار اللي دار بينهم..



مراسلكم من وادي ملال......الـــبـراء


الضب : غريبة يالبعير وش مصحيك ها الحزة ؟

البعير: ايه ....ما جاني النوم

الضب : ليه عشقان يابو بقشه؟

البعير: أي عشق.. يامال الفشق؟؟يا آخي هاالناقة اللي عندي فلبيت ناشبة بحلقي ومنكدة على عيشتي طول اليوم تزن على راسي مثل الدريل تقول انقلني انقلني..وماتبي الديره هذي

الضب : وين تبي تذلف ؟؟

البعير: تبي طريق جده المدينة

الضب: طلقها طلقها ...أنا حرمتي قالت لي انقلني جحر ثاني ونقلت ورقت طلاقها لجحرها <---قوي

البعير : انقلع انقلع عن وجهي أنت وحلولك اللي مثل وجهك

الضب: ليش ليش الغلط يعني المدام كارشتك تحط الحره فيني كخخخ

البعير: أقول لا يكثر هرجك ابلع لسانك واندس بجحرك لين يجونك حقين الشكمان

الضب: إيه حقين الشكمان يحلبون حريمك يا يالوح

البعير: أنا ولد نوره.. أنت قد الهرجة هذي وصلت للأعراض؟؟

الضب: يا أبوي بلا عرض بلا طول حقين الشكمان يطاردونا ويحفون ورانا لكن انتم يركبونكم يالعبيد

البعير :والله لا جمع عيال عمي وووو........

الضب : عيال عمكم شفهم مدعسين بطريق الرياض القصيم ولا تلقاهم متفحمين على أسلاك الكهرب بالخطوط كخخخ
مسوي فيها قبايل وعندكم فزعه يا قطاعين الطرق.

البعير: طيب قرب قرب ليش تتكلم من بعيد يا شيخ دعسه وحده بحدا رجولي ولاك ترافس

الضب: هه اتمرجل على ناقتك أول بعدين تمرجل علينا

البعير: أقول وينك أنت يالله بالله أشوفك تجي تشتغل عندي حكاك؟؟؟؟؟؟؟؟؟

الضب: وش معنى حكاك

البعير:هههههههههه حكاك يعني تحك لي ظهري بعكرتك واعطيك هوىا اخرالشهر ههههه

اللي على طاري الهوى يقولون انك تشرب الهواههههههههههههه حقين الشكمان يقولونه

الضب: خلي ناقتك تحكلك ظهرك بالزبيرية يالبعير السايب المعيوف


البعير: أنا معيوف وسايب والله لاعلقك مع عكرتك واخليك ضحكه للورعان مثل ما يسوون فيك بعض الناس

الضب : أقول بس... من وين جاك الورم اللي فوق ظهرك؟



البعير: أي ورم؟

الضب: هههههههههههه تستهبل...شكل واحد ضاربك بعجرا على ظهرك يالمغزلجي

البعير: أقول بس.. تذكر يوم يصيدون حرمتك الأولى وتجي تصيح عندي مثل الحريم "....شفتها تناقز بقدرهم والنار تحتها وبطنها مفتوح ولا قدرت تنقذها" تذكر ياابو تبن تذكر يالرخمه


الضب: دمعت عيونه والله ما خليك تشمت فيني
البعير: لا لا يا ابو عكرة لا تصيح سامحني سامحني :(:(
الضب : خلاص سامحتك وأنت بعد سامحني
:)
البعير : تعال سلم سلم

الضب: يقرب

البعير:مممممموووووووواه


توووته توووته وخلصت الحتوووته