عضو جديد

انشاء الله اول مشاركه لي بالمنتدى تكون زينه وتعجبكم
طبعا هي للمتزوجات
اسمعي يامتزوجه
زوجك طيب ويحبك وترى مافي حرمه بالعالم ماتقدر للزوجها واذا عرفتي له راح تاخذين كل اللي تبينه وهو راضي لا ومستانس بعد بس بشرط اعطيه قد ماتاخذين والمقصود هنا العطاء العاطفي
المهم موذا موضوعنا عندي طريقه للي زوجها عصبي ويحب يسهر برا كثير مع اخوياه بس طبعا للزوجات اللي دمهم خفيف
لانه بعض الزوجات الله يصلحهن تسوي ثقيله على زوجها ويمكن من اخذها الين ماهي قاعده تقرا موضوعي ماعمره شاف ضحكتها
اسمعي عندي فكره
1-طريقة الانتخابات :
اذا كنتي عارفه ان زوجك يبي يطلع الليله مع اخوياه سوي الاتي اطبعي صورة زوجك على تي شيرت المهم وجيبي كراسه اكتبي علي العديد من الاوراق تعيش فلانه <<<<<<<<<<<< حطي اسمك مو اسم وحده ثانيه انتبهي انتخبو فلانه <<<<<<<<<<<تسقط الشقه تسقط الاستراحة يسقط البلوت يسقطون الشباب خخخخخخخخ وعلقيها في الصاله بشكل عشوائي و على باب البيت من جوى مو من برى تفضحينا المهم جهزي خطاب انتخابي امدحي فيه برنامجك اللي بتسوينه له لو قعد بالبيت وقولي بسوي وافعل واحط وجربني هالمره طبعا اقري الخطاب عليه وهو بيضحك وبشوف الجنان اللي علقتيه بالصاله وبيرضى يجلس.. البسي التيشيرت مع بنطلون وارفعي شعرك وحطي ميك اب خطير المهم اشتري لعبه البلوت واشتري مكسرات وجهزي شاهي وحطي الكمبيوتر بالصالة وحطي قناة رياضية او اخبار او اي قناة يفضلها زوجك
وخلك مسترجلة شوي العبي بلوت معاه واقعدي قولي العب ياخي كثري كلمة ياخي وتحمسي مع المباراة او الاخبار واجلسي جلسة شباب وخليه يصب لك شاهي واطلبي عشا من برا خليه يحس انه جالس مع شاب المهم هو بيحاول يرجعك لطبيعتك بيحاول يتقرب لاتعطينه وجه اذا قرب يبوسك قولي وش فيك يابو الشباب عسى ماشر!
المهم بالاخير قومي والبسي قميص وارجعي لأنوثتك وحطي ميوزك ناعمه وانتي وشطارتك عاد {خلاص الخبال خلص وبدا الدلع والنعومه وانقلبي 360 درجه انثى}
والله يابنات لما سويت الحركة ماقدر ينام كل ماتذكر تصرفاتي مات من الضحك.. .وبنفس الوقت استانس ولا راح الاستراحه
وانتي لا تضغطين عليه بين فتره وفتره اخترعي طريقه جديده تخلين زوجك يقعد بالبيت ويستانس معك
صح نسيت نومي عيالك بدري اعطيهم مويه غريب هههههههههههههههههههههههههههه
عشان مايقولون ايشبها امي انخبلت اليوم
على فكره انا عارفه انكم بتقولون <<<<<<<<<<<<<<<< مرجوجه بس عااااااااااااادي
<<<<<<<<<<<<< مستعده تسوي اي شي يونس زوجها
الفكره الثانيه..........
طريقة المعروض
اذا كنتي تبين السوق او اي شي وزوجك مو راضي روحي الغرفه واكتبي معروض مرتب
وهذا نموذج انا سويته

الى صاحب السمو الملك فلان ابن فلان ............ ملك مملكة قلب زوجتك فلانه وبعد

افيدكم علما بانني احد افراد اسرتكم الكريمه بقليل من الحب وشي من الود والحب استجدي
قلبك الواسع ويديك الكريمتان ان .................................................. .................................................. .................................................. .................................................. .................................................. .................................................. .................................................. .................................................. .................................................. ...................................
وهذا لحاجتي الماسه وانه ليس لي بعد الله سواك فانت سندي وملاذي هذا ولك خالص الحب والاحترام

مقدمة المعروض
زوجتك المحبه وخادمتك المطيعه وام اولادك
فلانه بنت فلان
وطبعا لصقي على المعروض قلوب وبطاقات وحركات حلووووووووووووه والله انه غير يستانس ويسويللك اللي تبينه وادري يمكن تحسبوني صغيره وتقولون اكيد هذي بزر او توها عروس اقولكم لا انا لي عشره سنين متزوجه وعمري 26 ولو يصير عمري 46 راح اسوي كذا عادي
الحب والوناسه مالها دخل بالعمر مو تقولين كبيره عيب هالحركات انتبهي لا تضيعين زوجك
بالعكس ونسي زوجك يونسك

واخيرا اتمنى اني افيدكم ومشكورررررررررررررررررين

عضو جديد

صدق مافيكم خير لا اعضاء ولا مشرفين
ولا احد فيكم رد
حتى لو الموضوع ماعجبكم علقوا عليه حتى نستفيد
وللمعلوميه هذي اول واخر مشاركه بمنتداكم ذا
ولو ان المشاركه تنحذف كان حذفتها لانها خساااااااااااااره عندكم
واتمنى من المشرفين يحذفونها
ومشكورين على حسن الاستقبال

عضو جديد

كلمه خطيرررررررررررررررره مره قليل تسلمين ياعيوني فكره تنفع يوم الزنقه تشكررررررري

¶°`°المشرفة العـامه°`°¶

هههههههههههههه طريقه الانتخابات اتوقع الرد اللي بتلقاه الحمد لله والشكر مجنونة

مشكور مره على المووضع الطريف واشنالله يفيد المتزوجات


تحياتي

عضو مميز

مررررررررررة حركة الطريقة هذي اذا تزوجتك راح اسويها ان شاء الله

عضوفعال

عروبه تدرين ان دمك خفيف وشوفي اوعدك ان كل موضوع لك راح ارد عليه بس لا تخلينه يوبه انتي اختنا الغاليه وراح اوصي ربعي عليك انهم يردون عليك تري عادي انا كنت في البدايه شذي بس اهم شئ انك تختارين مواضيع تجذب الاعضاء ومع السلامه يا حلوه