--------------------------------------------------------------------------------
اللي عليه الغنج طبق راحتيه00والغنج خصله تحتوي خصايله
دايم مفضحبي وأنا ماقول ليه؟00فضيحته ستر الهموم الجايله
صغير ومدلع ومزيون ونبيه00أخذت لي عامين وأنا احايله
جيته رجل عاقل معه قلب" سفيه00مالوثه دم الحياة الزايله
أنا فدا الغمازتين بــ وجنتيه00واذبح قلبي وكبر غلايله
والموت لاسولف وعضض شفتيه00أيقنت بـــ حظوظ العباد المايله
هذا وهو ملقوف وعناده كريه00ليا ركب راسه وقام يشايله
ليا زعل حتى أتصالي مايبيه00وليا رضى يزعل على موبايله
وإن شافني زعلان والخوف يحديه00تشبع الجوال من رسايله
مدلعه جده بـــ رغبة والديه00تدليع جد وتختلف وسايله
وأنـا الضـحـيـه وحبيبي ماله شبيه00عنده لــ رفع الضغط قدره هايله
لاشافني مقبل يسلهم ناظريه00سلهام خبث ونيته متحايله
لأنه يعرف إني بسلهامه أتيه00توهة دليل وتاه عن دلايله
وإن قلت:له بشويش شب الله عليه00قام يتكسر واسبلت جدايله
وسمعته يتمتم ويشر لي بإيديه00والله لطلع لك نجوم القايله
دلوع ماهمه وأنا أموت فيه00ومسامحه مهما تكن عمايله
دامه يعرف إني على أية حال ابيه00وشلون ألومه وأتقي حبايله
حفيت (سباريت)القدم منه وإليه00ماغير أقابل بيتهم وأأخايله
وأنا عشان أجيه لاحبيت أجيه00صاحبت من شانه جميع الــعـايــلــه
أنت غير مسجل في منتديات حبي. للتسجيل الرجاء اضغط هنـا 
المواضيع المتشابهه 
إحصائية
العضو
العرض العادي
