ياصاحبي جيتك أشكيلك من أحوالـي
جيت....ومدأمك رفيقي ليه أطولهـا

العلم ومافيـه يـأول وأخـر أمالـي
عندي رساله ولأ ادري كيف أوصلها

ألى اللي جرحتني وأنا من قبلها سالي
أبيك توقف معـي وتـروح تسالهـا

وش فيها تفتح على أبـواب عذالـي
وتحمل النفس حاجـه ماتحملهـا؟؟؟

وش فيها رغم الوفى تتركني لحالي؟؟
وأنا لجفاها تركـت الدنيـا باكملهـا

أن كان هذا زعـل علمهـا يالغالـي
ماكان قصدي ورب البيـت أزعلهـا

علمها. واللي يخلـي قلبـك الخالـي
عن ضيقتي وين وصلت من تجاهلها

علمها.كملي وأنـا ماشلـت جوالـي
كله علـى شـان ماقلـب رسايلهـا

علمها.وشلون لأأمرت علـى بالـي
أروح وضـم صورتهـا وأقبلـهـا

علمها.كيف أنشغل ومن كثرة أشغالي
أجلس وغمـض عيونـي وأتخيلهـا

علمها.عني وعـن همـي وغربالـي
علمها.عن كل حاجـه فـي تجهلهـا

وأن شفتها قامت تبكي علـى حالـي
أنس الكـلام وتذكـر كلمـه وقلهـا

قل:شاعرك يعتـذر ويعاهـدك تالـي
أنـه يرتـب حساباتـه مـن أولهـا

ويقول:حتى القصيد اللي على بالـي
والله معـاد أكتبـه كانـه يزعلـهـا

أخي الغالي سيد القلم الراقي والاحساس الجميل

تسلم على القصيدة الجميله وسلمت لنا ولقلمك دائما وابدا

يسعدني ان اكون اول من يشارك في هذه القصيدة

الجميله والجذابه جدا

كلماتك رائعه تحمل الكثير من المشاعر الحزينة...

كلماتك جعلتنى اسرح بعيدا

أعجز عن البوح وعن مدى شكري


وتقديري لشخصك الكريم

..


.. الف تحيه معطرهـ باجمل عبارات الشكر على هذهـ القصيدة الرائع

سكر بنات

الشكر لك على المرور الجميل

يسلموووووووووووووووووو

لمسة