مرحبا اخواني وخواتي...
حبيت اني انقل لكم هذي القصه الي اعز صديقاتي كاتبتها
وانشالله اذا عجبتكم وشفت تفاعل منكم بكملها لكم



هذي قصه حقيقيه دارت احداثها في منطقه من مناطق المملكه العربيه السعوديه وعشت انا شخصيا في اعماق هذي القصه وتأثرت فيها كثير انا وكل من عاش فيها (حتي الخدامه تأثرت بعد)
واتمنى من كل اللي يقراها وحاب انه يكتبها بمنتدى ثاني إنه يكتب انها منقوله ويكتب اسمي اني انا اللي كاتبتها (( بسمه تفاؤل))

وقبل ما ابتدي في احداث القصه ابوصف لكم ابطال القصه

الجوهرة
هذي اساس القصه كلها هي بنوته حلوه فيها حلاه الخليج كلهاا ونعومه وكل الزين فيهااا (ماشاءالله عليها ) قمة الاخلاق والادب كامله والكامل وجه الله بس تصير مرجوجه مع صديقاتها وعمرها يبتدي في هذا القصه من 11 سنه واللحين عمرها 17سنه

فهد
وسيم وانيق وجذاب طول وعرض فارس أحلام كل البنات وعمره يبتدي من 18 واللحين عمره 24 سنه

والباقي ان شاء الله تتعرفون عليهم في احداث القصه

الجوهرة بنت مثل كل البنات تربت بيت اهلها بين اخوانها وخواتها بس اغلب وقتها كانت بيت اهل امها ما كانت علاقتها بأهل ابوها قويه لدرجه انها تنسى اسماء عيال عمانها كانت علاقتها بهم مجرد حفلات واعياد و مناسبات تشوفهم فيها وطبعا ماتروح برضاها هذا وهي صغيره وبعد ماكبرت البنت شوي وصار عمرها 11سنه حبت امها انها تقربها اكثر من اهل ابوها فكانت تجبرها كل اسبوع على زيارتهم عشان تقوى العلاقه بينها وبين عماتها وعمانها لانهم يحبونها ودايم يسألون عنها وصارت تروح اسبوعيا بيت اهل ابوها وفي جمعتهم وتجلس مع اخوها زياد اللي اكبر منها بأربع سنوات وعيال عمها محسن نواف ونايف وخواتهم سناء ومريم وعمها خالد وعياله فهد وعبدالله وخواتهم رؤى وبشاير وعمتها خلود وعيالها عبدالعزيز وعبدالرحمن ومرت الايام وقوت نوعا ما علاقتها فيهم وصارت تعرف الجوهره عمانها وعماتها زين وعيالهم واكثر شي نايف وفهد لانهم دايم عندهم في البيت مع زياد اخوها وبعض الايام ينامون عندهم وبعد فتره لاحظت الجوهر على نايف وفهد يناظرونها بنظرات غريبه ... وان فهد مهتم فيها زياده عن العاده دايم يسأل عنها وعن اخبارها ويجيب لها الاشياء الي تحبها وخصوصا ( الكيت كات ) لانها تموت فيه وهو عارف انها تحبه بس الجوهرة اعتبرت اهتمامه شي عادي لأن عيال عمانها وعماتها وخوالها فيصل وبندر وسعد وصالح يهتمون فيها بعد وكانت تحس بأنهم اخوانها يعني الامر عندها عادي.

دخلت الجوهرة متوسط وطبعا صارت في مدرسه وحده مع شلتها المرحه والشيطانه في نفس الوقت
<----لا تفهمون غلط هم راعيات مقالب في المعلمات وضحك ووناسه
مع كذا هم اشطر من في المدرسه وكل وحده تقول الزين عندي من زود الجمال والاخلاق فيهم
نعرفكم على الشله (الريم ونجلا وميعاد و فطومه وهبه ودانه و اميرة و ساره )
وفي يوم من الايام وكان يوم سبت راحت الجوهرة للمدرسه وقابلوها الريم ونجلا
الريم: أهلين بالدبه (الدبه في قاموس الشله يعني ياعمري ياقلبي ياحياتي ياحلوه )
الجوهره: الريم ابعدي عني مالي نفس لك
نجلا : وش فيك ياعمري مين اللي زعلتك انتي قولي لي وانا اوريك فيها
الريم : لايكون سيده ملعقه (هذي معلمه اللغه العربيه)
بعدها الجوهرة نزلت راسها وهي تقول :تكفون ابعدوا عني انتي وياها ومشت وتركتهم
الريم ونجلا انصدموا من الي سوته الجوهرة لأن الجوهرة من تجي من البيت وتشوف أي احد من ربعها يستقبلها ترمي عليه اغراضها وتقول يللا تيتي ونانا وراي (معتبرتهم خدامات عندها) وتقوم على طول الهوشة ويرجون المدرسة ....

المهم راحت الجوهرة الفصل وحطت اغراضها وجلست تفكر وتقول في بالها : ياربي ما ادري وش فيني وش اللي صارلي بعد موقف امس وتذكرت الموقف

الموقف هو ان فهد كان جالس مع زياد أخوها في غرفه زياد وكانوا يطالعون التلفزيون ودخلت عليهم وهي تسمع فهد يقول لزياد

وش تتوقعون يصير بين الجوهرة وفهد و زياد ؟
ووش الي سمعت الجوهره فهد يقول لزيا د وبتدخل عليهم ولا لا لما تسمع الكلام الي يقوله فهد ؟


تبوني اكملها ولا لا
اللي يبيني اكملها يرفع ايده
هههههههههههههههههههههههههههه

اختكم:مجهوولة...

بانتظار الباقي

مشكوره اختي على القصه
اتمنى تكمليها الى النهايه
وانا ان شاء الله اكون من المتابعين لها
تسلم يمناك ولا عدمناك
دمت بكل خير
تحياتي

اتمنى تكملينها للنهاية ابي اعرف سميي وش سوى

تحياتي ,,, فـــهـــد

والله اني تحمست

ياليت يالغالية تكملينها

مشكورة يالغلا على ماقدمتي

أختك 00 هيمانه