ارجو قراءتها كاملة الى الاخ اللي ما أعرس وتوه يبي يستانس
واللي أعرسوا كان الله في عونهم
الفرق بين المرأه في السنه الاولى من الزواج
والسنه العاشره
تشير
الساعه الى 6:30 صباحا
تودع زوجها وهو طالع للعمل وتقول له بالسلامه يا حبيبي
الساعه 11 صباحا
تتصل عليه في العمل وتقول له حبيت اسمع صوتك بس يا عمري
الساعه 3 العصر
تستقبله وهو متشيكه وهو داخل للبيت وتقول له
الغدا جاهز يا حياتي ..تحب احطه لك الحين ؟
الساعه 5 العصر
تصحيه من النوم وتقول له اعمل لك شاي يا حبي ؟
الساعه 6 المغرب
تسبل عيونها وتقول بكل خجل يا ريت يا حبيبي .. يعني لو
ما عليك كلافه .. يعني اذا تقدر توديني شوي لبيت اهلي
اذا كنت تقدر يا عمري وقبل ما ينطق بكلمه ( اذا ما
تقدر خلاص مو لازم ) وطبعا يضيع هو في نظره من عيونها
ويوديها لاهلها ولو انهم ساكنين في الدمام وهو ساكن في
الخبر
الساعه 8 بالليل
تتصل على الجوال وتقول ( اشتقت لك يا عمري .. يا ريت
تمرني ونروح للبيت )
فيطمر ويقول للشباب اسف والله يا شباب راسي مصدع ولازم
امشي
الساعه 10 بالليل
تجلس وتقول ( الله يا حبي تتذكر ؟ تتذكر ايام
الخطوبه لما كنت تعمل المستحيل عشان تشوفني .وانا يا ما
كذبت على ابوي وقلت له اني طالعه مع امي وانا اصلا متفقه
مع امي عشان اطلع معك (

بعد مرور عشر سنوات

الساعه 6:30 صباحا
هي في سابع نومه
الساعه 11 صباحا
هي برضه في سابع نومه
الساعه 3 العصر
تستقبله وهي نافخه خشتها وتقول ( شف لي حل مع ولدك علي
هذا ..حتى الان ما حل الواجب .. وسوير الله ياخذ عمرها
انشاء الله شاقه مريولها في المدرسه …عطني فلوس لازم
اروح اشتري لها واحد غيره … وصويلح يبي علبة هندسه تو
انه يقول لي يوم ان الاختبار صار بكره … وترى موضي
تكنفست مع الدرج وهي كانت في المشايه … والظاهر انها
تعورت …كله من هالشغاله الله يا خذها ….اسمع يا انا يا
هالشغاله في هالبيت ….ابيك اليوم تسفرها ما ابي اشوفها
وابيك بسرعه تقدم على وحده ثانيه ….وما ابيها تصير
حلوه …..يا ويلك لو صارت حلوه …..وبعدين شغالتي ابيك
تشرط عليها اذا سفرتها ما عاد تشتغل عند احد ….عشان ما
تقول اسرار بيتنا للناس الي تشتغل عندهم ( ما تدري ان
اسرار بيتهم كلها عند الجيران من لسانها هاللي وش طوله (
و …و …..و
الساعة 5 العصر
هي تفك هوشه بين سوير واخوها ويصحى هو على صوتها وهي
تهاوش وتدعي عليهم بجميع الامراض الخطيره الحديث منها
والقديم ( جعلكم للطاعون …جعلكم للحمى …جعلكم للوادي
المتصدع …جعلكم للحمى القلاعيه …والايدز ...الخ (
الساعه 6 المغرب
هو جالس يشرب الشاهي وهي تقول ( نبي نروح لامي بتجيهم
بنت خالة جد ولد عم ابوي ...وبعدين نبي نروح نشتري للبنت
مريول ...وبعدين بنت عمي والده ولازم اروح اشتري لها هديه
من باتشي و ابي امر على المشغل ..وبعدين حطنا عند اختي
في الشفا من زمان ما شفناهم …………..
وفي هاللحظه فكر هو انه يشتغل ليموزين احسن له
الساعه 8 بالليل
تتصل على الجوال ( وينك فيه ؟ وبعدين وين بتروح ؟ ومنهو
الي معك هذا ؟ ووش بتسوون ؟ ومتى بتجي ؟ لا ما فيه الساعه
تعال الساعه 10
الساعه 10 بالليل
جالسين هي وياه عند التلفزيون ..اخيرا هدوء ...والعيال
نايمين ...والجو جميل ..وفجأه تطالعه وهي ماده بوزها
وتقول ( الحين امك وش عندها اليوم ما ترد يوم اني سلمت ؟
هاه ؟ ( والله ما ادري كان سالتيها ) ( واختك وش
هالحركات الي مالها سنع …ليش عازمه الجيران وكل حريم
اخوانك الا انا ؟؟؟ لكن هين والله لاسوي عزيمه وما
اناديها …اصلا هي ما زارتني في المستشفى يوم اني ولدت
وانا فاهمه قصدها ..لكن هين ..والله لو تحب السما مانيب
زايرتها اذا ولدت ……وبعدين بنات عمك وش عندهم نافخين
عمرهم ؟؟ على ايش ابي افهم ….على جمالهم الزايد اللهم لك
الحمد بس ) تسكت شوي بعدين تقول ( وبعدين اختك نوره يوم
انها تقول ان علي ولدي يشبهني ما يشبه ابوه وش قصدها
هاه
ملاحظه : علي هو اشين اخوانه
انا فاهمه قصدها
وتراها اذا ما بطلت هالحركات والغمز واللمز تراني
ابسمعها كلمتين واخليها تحترم نفسها …..لا وذاك اليوم
تقول اخوي محمد ( الي هو الزوج ) حلو مره و3 من حريم
الجيران قد خطبوه لبناتهم ….من زينك بس ما ادري وش لاقين
فيك ) . يسكت وما يرد , تسكت هي ثم تقول ( وبعدين اخوك
شاري لحرمته ساعه قيمتها عشرين الف ريال ) يرد ( طيب وش
المشكله ؟ ) ( وانا ليش ما تشتري لي ..والا انا ما
استاهل ..ولو هي يعني احسن مني … بلاك ما شفتها ...شينه
وطبايعها شينه وحتى طبخ ما تعرف تطبخ ) ( خلاص اشتري لك
ساعه ) تعصب وتقول ( ايه تسكتني بهالكلام ….والله لانت
شاري ولا شي ) ( وش تبيني اقول يا بنت الحلال ؟ ) تقوم
وهي تبكي خلاص ما ابي منك شي !
الساعه 11 بالليل
هي زعلانه ونايمه مع العيال
وهو يتحسف على اليوم الي تزوج فيه
ر --طويلة شوى لكن تحملونا شوى----ماعليش--
منقــــــــــــــــــــول
مع تحياتي
اخوكم عبدالرحمن111

ودي ألف وأدور وأقول لا ليس مجتمعاتنا مجتمعاتنا مبنية على الحب لكن هذا الواقع المرير ولكن يجب أن نقول

البعض وليس الكل من تكون حياته مقسمة بهذا التقسيم الأزلي .. شكرا لك عبدالرحمن

تحياتي لك ,,, فــهــد

بالفعل حال المتزوجين زي كد ة الا من رحم الله
بس انا مصمم اني اتزوج
دعواتكم

رااااااااااااااااااااائع جدا بس حرام عليك مو كل الحريم كدا كل العيوب في الحرمة والرجال ملاك ماشاء الله

مشكوووووووور أخوي
عبد الرحمن111

أنا أوافقك الرأي بس مو بدرجة 100%

هناك مسؤليات للرجل وأخرى للمرأة
قد تصعب على المرأة فعلها كلها داخل المنزل من ترتيبه ووووو
والإهتمام بالأطفال وتدريسهم ووووو
والإهتمام بالرجل والإعتناء بملبسه ومأكله وووووو

فأنا برأيي لو كان يعطي أولاده قليل من الإهتمام وتحمل عنها بعض الشي يكون أفضل

والحين الأولاد(تقال كلمة الأولاد للولد والبنت) مايسمعوووون الكلام من الأب فمابالك من الأم الكائن الضعيف
فعندما يأتي للمنزل ترى الزوجه من تفضفض له وتحكيه يومها وإنت أستلم الله يكون بعونك

بس بصراحه هي غلطانه بدا الشي المفروض تنسيه تعبه وهمومه ولما يجي الوقت المناسب لاأمانع من أن تقول له كل مايجول بخاطرها وهو أيضا يسمعها الكلمات الرقيقة [عاد إنتو فنانين فيها]لتنسى هموووووم يومها

وأيضا هنالك الكثير من الأزواج إذا أتى للمنزل وضع جل همه وتعبه وحره في المرأه من ضرب أو شتم أو أو أو


الحياة الزوجية<<<<<[مسوية مثقفه وفاهمة وهي لسه مادخلت عش الزوجية]
يجب أن تبنى على الإحترام المتبادل والمشاركة بكل مايستطيعه سواء هو أو هي
والحب والثق وووووو

طووووووووولت عليك أعذرني والله الموضوع عجبني ودي أكمل بس أخاف أنسى نفسي

تقبـــــــل رأيـــــي بكل ود

أميرة بطبعي

مشكوري لكل الاخوان

اللي ردوا على الموضوع

تحياتي لكم

[alignr]صراحه الموضوع حلو0000
بس اصابعك مو سوى00000
تحياتي لك000000=cente امير الرياض[/align]

مشكور اخوي عبد الحمن

بس مو كلهم كذا حتى الرجل يتغير بعد شهر العسل يعني مو زي المراءه بعد 10 سنين
ههههههههههههههههه
الحمد لله انها اتحملته 10 سنين
خخخخخخخخخخخخخخخخخخخخخخخخخ


ام ناصر