مجموعة من الحريم يالسات في بيت وحدة ... تدرون سوالف الحريم ...
ما فيه غير الحش ... أفلانة سوت و علانة ما سوت وهاي تطلقت و هاي انخطبت ...
المهم ... صاحبة البيت يابت صينية الشاي و حطتها في النص ..
قالت شو رايكن بدل ما نحش في الناس عندي فكرة جهنمية ...
كل وحدة منكن بصب لها الشاي و تحط سكر ( مكعبات ) على عدد المرات اللي خانت زوجها !!!!
الآولى : يا اخويتي انا بشرب الشاي مر لأني ما خنت زوجي و لا مرة ..
الثانية : أنا بس عطيني حبة سكر ..
الثالثة : أنا ابغي بس ثلاث حبات ..
الرابعة : أقول حبيبتي ما عندكم سكر مطحون !!!!!!

**************************************************


واحد كان مقرود بالقو .. وين ما يدقها عويه ! المهم زهق من حياته و قرر يهاجر أي بلد ما يعرف حد فيها يمكن

يعتدل حظه .

اول ما طارت الطيارة و ارتفعت و الا يعلن الطيار الطواريء و بددت الطيارة تهتز بالقو !( قلت لكم مقرود )

قرر الطيار أنهم يرمون كل الأغراض ,, بس للأسف ما نفع و ظلت الطيارة غير متوازنة .. اهنيه عاد قرروا أنهم

يضحون في بعض الركاب .. جمعوا اللي فوق الـ 80 كيلو و الا صاحبنا وياهم .( يا جماعة صدقوني مقرود )

قالوا نسوي قرعة و اللي تطلع عليه نرميه !!! سووا القرعة و الا تطلع عليه ... ( ما في أمل )

تم يصيح و يتراجاهم و هم يحاولون يرمونه , الطيار أنكسر خاطره و قال لهم عيدوا القرعة ... عادوا القرعة بس

للأسف طلعت عليه ( يا جماعة كم مرة اقول لكم منحوس ... أفهموا )

يا الله عاد الحين مسكوه من يده و ريوله و هيلا و هوب يبغون يرمونه و هو متعلق بالباب و يصيح و يترجه ... بس

ما في امل ... قال لهم يا جماعة عطوني فرصة وحدة بس .. بسأل سؤال لو جاوبتوا عليه صح برمي نفسي من الطيارة

قال الطيار .. خلاص جيبوه .... يا الله عاد خلصنا ما عندنا وقت .. الطيارة و شويه بطيح ... أسرع أسأل !

قال : زين ... أنا واللي جنبي كم صبع عندنا في يدينا ؟

الطيار أهنيه زعل زعل شديد ... قال لهم شيلوه بسرعة .. أكيد عشرين ! شو هالسؤال السخيف.؟

رد عليهم و هو فرحان ... لا لا لا لا غلط ... تسعتشر (19) مب عشرين لأني عندي صبع واحد مقطوع !!!

ولكن يوم عدوا أصابعهم .... لقوا اللي جنبه عنده أحدعشر (11) صبع !

**************************************************

غزال يجري في الغابة وفجأة سمع صوت خشخشة بين الاشجار

و يطالع الا وهو ذيب ..

خاف الغزال وقال للذيب : انت ذيب ؟

قال الذيب: ايه !

قال الغزال : هذي انيابك ؟

قال الذيب : ايه !

قال الغزال :ايش اللي وراك ؟

لف الذيب وقال : هذا ذيلي !!!

ويوم لف الذيب شرد الغزال .....

وبعدها يلس الغزال يجري بين الاشجار وطالع الا الذيب ما لحقه،

وراح يجري مرة ثانية ودخل نفس المكان السابق ولقي نفس الذيب مرة ثانية

وقال نفس الاسئلة ورد عليه الذيب نفس الكلام وكرر الغزال مثل اول وطالع الا الذيب ما لحقه استغرب الغزال !

سمع الذيب يقول : (الله يلعن ابوها من غابة الواحد ما يعرف يقضي حاجته من غير ازعاج)!!!

**************************************************

واحد كان يمشي في الشارع تفاجأ في شخص يتكلم في الموبايل بصوت عالي و يصرخ و يقول : يا مدام حرام عليك .. دا أنا بأ لي يوم كامل أدور عليه .. شوفي كدا و الا كدا ... أنا لازم أكلم الراجل داه !! يا مدام ميصحش كده !!
راح صوبه وقال له : خير يا أخوي .. أشبلاك تصرخ ؟!
رد عليه : يا أفندم أنا أتصلت على رقم داه و عاوز أكلم الكابتن هريدي .. طلعتي لي وحدة ست عمال تقول لي : الرقم الذي طلبته غير موجود في الخدمة !

ههههههههههههههههههههههههههههههههههااي