السلام عليكم
كيفكم ياشنباااااات وشباااااصااااات منتدى حبي .....
انا عندي قصه يمكن اغرب من الخيال ابقولها وبدون مقدمات
أنا كنت منبطح بالحوش وفي حصيرة جدتي ...الله يحفظها لي ....
واذاكر عندي اختبار برمجه وهذي الماده صعبه بالحيل , وانا داخل جو بالمذاكره ولا اسمع هذاكـ الصوت وتقولي يالاخو يالاخو واناظر مالقيت احد ... 
برضو هذاكـ الصوت مو راضي يسكت وانا اناضر تحت ولا هذيكـ النمله اللي تاشر لي وتقول هنا هنا ..انا قعدت اناظر مستغرب فالت بالله ممكن خدمه لو سمحت ... >>>>>>طبعا انا عاد ماصدقت أحد يطلبني شي ....المهم قلت سمي امري قالت : ممكن شوي قلت من عويناتي الزرق >>>> ماهي زرق لا تصدقون ..قالت : تكفى ياخوي انا ابيك تسمعني قلت : قولي ... قالت : انا حالتي حاله ولا لقيت اللي افتحله صدري !!!
قلت لا اعوذ بالله عاد الا هذي >>>>>رااااااح فكره بعيييييييييييد
قالت لا لا لا تفهم غلط !!! قلت: قولي ... وسمعت لها وانا متركي وحاط يدي على راسي
قالت هالنمله : انها كانت تكلم صرصور وانه سجل عليها كل كلامها وصار يهددها بين فتره وفتره .... وجلست تبكي 
.... انا صراااااحه حزنة عليها وااااااااجد وقمت ابكي معها >>>>> مسوي حساااااااااس المهمـ قلتلها : خلاص مايهمكـ افا عليييييييك .... وانا قاعد اسولف ولا هذي جدتي جات تبي تاخذ الحصير حقها , شلت النمله وحطيتها بجيبي !!
ـ قالت جدتي : ياولد مين قاعد تكلم تو ... ـ قلت : لا لا قاعد اذاكر واكرر الجمله عشان ماأنساها
قالت : انتو يالشباب ماعندكم سالفه .. وانتو ...وانتو >>>> 
سولف عجايز لا تشرهون عليها تبي تبين انها فاهمه بكل شي ....
راحت جدتي وانا طلعت النمله من جيبي , وقلتلها : معذره هذي جدتي ماتقدر الحب ... قالت : ابكملكـ , قلت كملي .... قالت لي وهي تبكي : انها تزوجت من واحد ودرى بسالفتها مع الصرصور وطلقها وأنا الحين ام عيال , وكـانت تقولي : إنها كانت تراقبني وانا اذاكر بالحوش وانها معجبه فيني وتحبني !!!! >>>> راح فيها الولد ....
أنا قلت مشكووره وما قصرتي وقعدنا على هالحال بالحوش وكل يوم صرت اقابلها ..... ومره شافنا الصرصور وحنا نسولف مع بعض ,,, وقال : افااااااااا !!!؟؟؟؟ تسولفين مع هذا ؟!أنا اوريكـ الظاهر ما كفاكـ اللي صارلكـ ..... وراح .........
النمله جلست تبكي .. وقالت : ياكاسر يابعد قلبي فكني منه .... طبعا لأني رقيق مشاعر وحساس ماأقدر أطقه بالنعل ---تكرمون ---رحت جبت بف باف >>>> مسوي دعاااااايه ..... ولحقته ورشيت عليه !!! بس ابن الكلب طلع الصرصور سرييييييع .... الصرصور هذا عربجي حتى ان اسمه ابو شنب ونص !!!؟؟؟ لأن طرف شنبه الثاني مقصوص (سمعت ان سبب قص شنبه --مشكله عندهم بالحاره وتدخل فيها ’هذا ابو شنب’ وجاك واحد وطار عليه وقطع طرف شنبه -- المهم هذا مو موضوعنا )
الصرصور يوم رشيت عليه بف باف ما مات إنحاااااش (إستخبا - توزى - إندس ) .. إختر الاجابه الصحيحه ؟؟؟؟ بس لعلمكم اصيب بإصابات بالغه ..المهم ابو شنب هذا حقد علي أنا والنمله ... وجا للنمله بالليل وذبح عيالها 
بالصبح !!!!!! وانا نايم بفراشي يوم الخميس ... جاتني النمله وهي تصرخ وايدينها ترتعد >>>> أبكـ ياللي بتشوف إيدينها .... وتقولي قم الله يخليكـ وشوف وش سوا هذا الصرصور بعيالي ويوم جينا لقينا كل عياها ميتين إلا وااااحد .... ودينا هذا الواحد للمستشفى (طبعا ولد النمله )ومع الفحوصات والتقارير وحنا ننتظر عند غرفة العمليات ولا هذاكـ الدكتور اللي طلعلنا ويقول : انتو لازم تؤمنون بقضاء الله وقدره ... واللي مقدر بيصير .... ابنك ... ابنك ... ماااااات.... والنمله يغمى عليها .... رجعنا للبيت وقعدنا بالحوش نتكلم عن هذا الصرصور وندور طريقه للانتقام ..وشوي وبدون مقدمات ولا فاصل اعلاني فجأااااه وانا اعطس وطليت مالقيت النمله وقعدت أدورهااااا بالحوش لين لقيتها ... والمسكينه لقيت رجولها مكسوره ,,, وجبرت لها رجيلاتها ,,,, وذكرتني بالصرصور اللي ذبح عيالها .... أنا مت من القهر وقلت : لا والله ما أخليه وانا كاسر وأدور عند الباب هذا المداااااااااس -النعل- اللي يحبها قلبك ,, وانقعها بمويه نص ساعه إليييييييين ماتخثرت -وانتو بكرامه- ... وادور هذا ابو شتب واطلع له بالحوش واقوله إذ انت رجال إطلعلي برى وقابلني !!؟؟ وطلع لي وقال اذ انت رجال بعد ضارب بدون اسلحه ,,, قلت ولا يهمكـ ,,, واطش لكـ النعله ... واطيح لكـ بالصرصور ضرب وهو يضربني وهذا انا وياه نتضارب وهو يضربتي وانا أضربه وماتسمع غير بوقسااااااات ولكمااااات وتفقيع وجه .gif "Sa7l. (80)")
اليييييين سمعت النمله تقول إذبحه يا كاسر وهذا مهري !!!!!
أنا عاد لما سمعت هذا الكلام طااااااار عقلي ومو مصدق معقوله اللي يفصلني بيني وبين مهرها ذبح هذا الصرصور ,, يلعن ابو اللي مايذبحه ,,,, وقلت هلااااا والله وانقز على بطنه واسوي له سوبر سوبلكس خلفي واجيب النعله اللي نقعتها واضربه ذيكـ الضربه الي لو أضرب فيها أدمي كان دخلته العنايه من وقتها ,,, واكمل عليه بضربه أخيره يحبها قلبك ولا راسه بجنبه وقمت من جثته ..... وجاتني النمله تركض وطاير عقلها من الفرح وتضمني وتبوسني !!!!! (يؤ يؤ يؤ يؤ يؤ ) ...وانا مستحي أول مره يصيرلي هالسوالف !!!
وقالت لي : {انت فارس احلامي } ... انت حبيبي ونور عيبي ..انت اللي تحميني من الاشرار وانت وانت ..... >>>> ماعليكم منها ... وطالعت الارض باستحياء .. وقالت : أحبكـ {ياكاسر} يا بعد عمري ويا ... ويا ... ويا...!!!! أنا انخجلت ولا ادري ويني فيه وجهي حمر وخدودي زرقن ... قلت لها : وانا أحبك بعد ولا ماكان ضحيت من أجلك وخاطرت بحياتي ... وبعدها باستني ( حبتني ) ونويت انا وياها إنا نتزوج ورحت وخطبتها من خالها وتزوجنا طبعا هدية زواجها كرتون فش فاش أبو نص إذا تعرفونه !!! يعني تكلفة الزواج كلها مع الطقاقات ماتجي عشر ريال يعني خمسطعشر ريال يالله لكـ الحمد ...
النمله هذي انا احبها وهي دايم معي بالجامعه و بالبيت يعني بكل مكان هي معي وقت المحاضرات أحطها بجيبي ( مخباتي ) واحطلها لها بسكوته ولا شي تتونس فيها وبين فترات المحاضره أطلعها من جيبي واسولف معها وهي تضحكـ وتسحرني بعيونها واذووووب عند جمال شعرها الاشقر ؟؟!! .. واذا جا الدكتور رديتها بمخباتي وعشت انا وياها أجما احظات حياتي وحنا نحب بعض وقررنا ما نجيب اعيال ألا اذ تخرجت من الجامعه >>>>> النمله هذي تحبني حييييييييييييييييل
تغار علي حتى من امي اذا تناديني ... ويوم ندخل السوق تحلف علي اني أطفي البلوتوث .. الله يهنينا ببعض ودمتم
أخــوكــمـ
كــاwــر
أنت غير مسجل في منتديات حبي. للتسجيل الرجاء اضغط هنـا 
إحصائية
العضو
قصتي مع النمله بس يـاويـل اللـي يـضـحـكـ ( لا يـفـوتـكـمـ ) 
.jpg)
.jpg)
.gif "Sa7l. (92)")
