الوقت ضيق: ومده من وسع صدري =والليل أشوفه صبح .. فيما يرى السهران
لا هـتز فيني: شعور العاطفه ..أدري =إني فراغ ٍ ملاه الحب .. بالحرماان
بين الشعر والمشاعر والورق .. حبري =شيءٍ بقوله وإذا ماني بقايل .. بان
لصمت حكمه: وصمتي يأسره .. أمري =والبوح ياكل لساني.. والصدر مليان
ياكم مليته : تفائل .. والشؤم يسري =يجري معه لين فصل .. للفرح أكفاان
والبارحه ماخذ ٍ موقف من الثغري =سرب كلامي .. وصـدّع سري الجدران
هو ليه يملي عليّـه وأكتبه .. شعري =هو مادرى أني سئمته .أغلب الأحيان
شريت للعقـل قصه .. وأستلج فكري =على جنوني يشير الكاتب ..التعساان
مرات تطري علي أشياء... ماتطري =ومرات تطرحني افكاره ورى القـضباان
ليه التحِـرر: مفاهيمه تبي .. أسري =وليه الشجر ثابت ٍ لا مالت الأغصان
لوعشت.. كني طرف مترامي أبكثـري .=ماكان تسمع قصيدي .. غـنته الالحاان
يا إما أمووت... وأبقى عايش أبذكري =ولا حـيـاتي: ..روايـه مالهااا عنـوان
والناعسه .. الفاتـنه .. الكوكب الدري=لو تدري عن بعض مافيني .وحتى الأن
لاما سجد رمشها ..وأنا انتظر فجري =والنوم ميت على باب السهر .. هيمان
قد قلت صدري وسيع وضاق بي صدري=والظاهر أني أرى فيما يرى السهراان