السلااااااااااام عليكم



كيفكم يااعضااء منتدى الحب ان شاءالله تمااامووو..........................



قريت هذي القصه وحبيت انقلهااا لكم وياليت تعجبكم وتكوون جديده عليكم



<<<< ياويلك يامكااويه من اهل جده :d





يااولادي دحين بقلكم لما التقى الواد جساس
بالحوانشي داك اللي شايف نفسو مره اللي اسمه كليب

خد و الروايه:

كليب كان ماشي في برحه مره كبيره ومافي ناس
ومافي احد جنبو

والواد جساس بصراحه خلبوص شويه وجبان
لانو استغل وجود الحونشي كليب لوحدو

المهم عمنا كليب ماشي في امان الله
وقاعد يشم شوية هوا بعيد عن البيت
ورجة البزوره والبيت ومشاكل عيال عمو

المهم جا الواد جساس وقاله: انت كليب
طبعا كليب ادالو اشكل مارد عليه ولا ادالو وجه
قال جساس: انت ياكليب اشبك ماترد اناقاعداهرجك ياهوو
وداك مديه اشكل وربي ماعبره

جساس: شوف ياكليب انت كسرة الماصوره حقتناولا خليتنا نشرب مويه
لا نحنا ولا غنماتناولا جمالاتنا..... كل هادا ونحنا ساكتين
وقلناعيب مو مشكله دا برضوولد عمنا ومن لحمناودمنا وكبير العيله

لاكن انك تفرد عدلاتك {عضلاتك }على الجمل حقت خالتي {بسبوسه }
وتقتلهاكمان ؟

لا حبيبي دامو كلام رجاجيل واللي انته سويتو غلط
مو عشان سكتنالك تحسبنا خايفين

نحنا احترمنا صلة القرابه اللي بيننا
وقلنا هادا ابو{رحم}ومنناوفينا بس انت خبصت ام الشغله.

ومع كل الكلام دا والحونشي عمنا كليب مدي لو اشكل بقوه
ولا كانو في حد جنبو

جساس صرخ بصوت عالي مرررررررررره
انت ياكليب اشبك رد علينا اتبكمت والا ايش؟
انا عارف انك ماتطالع وراك الا ازاكان في بشكه
اقل شي اربعين راجل

طبعا كليب ردوهولاوي بوزو . ويعني انو قوي مره وقال
لا: يابويا غلطان، انا ما ارد الا لماتكون من خمسين راجل وفوق

ساعتها الواد جساس جسمو اتكهرب شويه بس سوى فيها انو ولا همو

وداك عمنا طنش كمل مشيو مع الحصان حقو

المهم الواد جساس طرطع وقفلت معو وركبه الف عفريت

وفي لحظة غضب الواد جساس طلع الرمح حقو
ورماه على عمنا كليب

قام يتالم ويتبكبك الحونشي كليب وقعد يصرخ بصوت عالي
كانه بعــــبع{وحش}

الواد جساس قال: ياواد مايبغالها الا افركلها واشرد
لايجي احد دحين والا يجي الزير ويسوي قلق ماحنا فاضينلودحينا
وهات يافكيك دق سلف بالحصان حقو ونمرلو

اما عمنا كليب حالتو صارت حاله قام يزحف على بطنو شويه لمان وقف على ارجولو
ويمشي والرمح معلق في ظهرو لماالتقى ببدوي حق غنمات انفجع البدوي

وقلو موانتا عمنا كليب اشبك كدا........... ايش صارفيك ياعمنا.

رد عمنا كليب وقلو: روقنا ياخي:مووقتوماتشوفني غرقان باالدم وانت واقف تسأل

يااخي جيب لي شوية مويه ابغى اشرب ياواد

البدوي صاحبنا جاب لو مويه وشرب

كليب اسمع ياواد انا غدر بي الواد جساس واكلني الرمح حقو بظهري من وراي
واللي خلق امك لوانو من قدامي كان عرفت اتصرف معاه

لاكن هو جبان وخيخه وجاني من وراي لاكن مو مشكله انا عرف كيف اخد حقي
حتى وانا ميت ورايا رجاجيل ماتترك حقي يابويا

وقالو كليب حكتب لك وصيه خلها حلقه في ودنك وحكتبها عاالجداردا بدمي
ولازم اخويا الداشر سالم يقراها

وبعدين الله يخليك تسوي معايا معروف انك تقتلني بعدماغلق من القصيده

قلو البدوي طيب


وبدا يكتب القصيده
ولما خلص قال للبدوي اقتلني ووصل هادي القصيده لااخوياالداشر
{الزير ســــــــــــــالم}



ووصلت الهرجه لحارة كليب واهلو عرفو الهرجه
واخوانو سو فيها وكيف ماكيف ومن الكلام دا

واحنا نفعل واحنا نسوي وحقنا مايروح لو على شواربنا ومن الخراط هادا

راحو عند بيت عيال عمهم وتقابلو مع ابوهم يعني قلك يسون مفاوضات

وهادا بدل هادا المهم مااتفقو وقالو خلونا نشوف الدب الداشر سالم وش يقول

وبعدين صاحبنا سالم كان سكران مع ولد عمه همام{ابو رحم}يعني رحيمو

تعرفوكانو داشرين وحقين شراب وبنات وكباين وشاليهات ومخلينها خل وطرشي

المهم ارسلوواحد يقول لهم الهرجه

وجا الراجل ا للي بيقولهم الهرجه وكان الدب الداشر{الزير} سكران
ومقربع مزبوط وماجر السقف العلوي بالملحق كمان

وطل همام وعرف الهرجه
وفجاةطلع لهم الدب الداشر وقال لهم :ايش الهرجه اشبكم قاعدين تتوشوشو على ايش
احس انوفي شي بس ماتبغو تتكلمو

المهم العالم خافت وقامت تتنافض من الخوف

قام سحبو همام وقلو ادخل جوا وانا بفهمك

مسكو مع صدرو وقلو ايش الهرجه قلبت راسي وفكفكتها معاي
وانت عارف انو شاربين ومروقين

قلو همام شوف لوقتلو اخوك كليب وش بتسوي

قام ضحك الزير الا شوي كشر بوجهو وقلب قارورة العرق وخلها تقطر بشويش
قلو شايف هدا العرق كيف يقطر؟

طالع همام مستغرب

قلو لاتستغرب ياواد: لوقتلو اخويا انا اخلي كل قطره من دمو براس رجال من قبيلتهم
وانت شوف اخويا قديش عندو دم{بكاش الواد هادا اللي اسمو الزير}


همام قال ياواد مابدها خليني اقولو الهرجه واللي يصير يصير

وقلو الهرجه والدب الداشر سوي مناحه هاديك الليله
وهات يابكى وصراخ زي البزوره تعرف مع السكار والخبر المزفت

نكب ام الدنيا وقعد يقول اشعار وتهديد وتخاريف ومدري ايش الكلام دا
حق السكرانين

لمن طلع الصبح وصاحبنا نايم عاالدكه وحالتو حاله

ولد اختو من جد نذل قال لاابو خلنا نقتلو ونفتك من شرو

طرطع ابوه وقالو اشبك انتا مجنون..ياواد هادا خالك وسدحو بكلمتين وروق الولد


المهم صبح الصبح وكل واحد يبغى بسري عند اهلو عشان يعرفو ايش الهرجه وكيف
راح يدور البوكس{المعركه} وقبل مايمشون سوى الدب الداشر فلم هندي
هو ورحيمو همام قلك مارح اقتلك وماادري ايش وماابغك تكون خصمي ياهمام

وقلك همام يقول لاياهوووووو دولا برضو اهلي ومااعتقد اني بسكت


المهم كل واحد سري بيتو وقالو بيننا البرحه نشوف من يغلب





وباقي القصه راح احكيكم هيه لما تنجحو وتجيبو الشهاده
واقولكم ايش سوى ابو ليلى الفهيم....





اتمنى انهاا حاازت على اعجااابكم




دمتم بخير




ليوووووووووووووووووووووووووووووووووووووووووووووونه

ههههههههههههههههههههااااي


حللللوه مره

مشكوره لياااانوه




جموووووووول

مشكووووره ليوووونه

على القصه


اُحْتِـرَامَـآتِـي ,,,
`v´
( `·.¸
`·.¸ )
¸.·´
( `·.¸
`·.¸ )
¸.· )´
(.·´
(`'•.¸(` '•. ¸ * ¸.•'´)¸.•'´)
«´¨`.¸.* ღ سلـ₪ الـكويت ₪ـطان ღ *. ¸.´¨`»
(¸. •'´(¸.•'´ * `'•.¸)`'•.¸ )

صبح...........................صبح................. .......

صبااااااااااااااااااااااااااح البردقاااااااااااااااااان ليوووووووونه
>>> يوووووووووووة كيفك وين الناااس هع هع هع

اقوووووووووووووووووووووووووووووووول

قصمن بالله انوووووة هرجن مزكرش << يعني زين

بس وش فيك ماااااااااطولتيه زياااااااااااااده

>> فحمت وانا اقراااااااااااه

كيكيككيكيكييككيكي

الف شكر اختي ليووووووووووووووونه تقبلي مسياااااااااااااري

هههههههههههههههههه
فيه كلام مافهمته

وربي روعه
وضحكتيني من قلب

العفوو خيتوو جمووول




تسلمين على المروووور والرد




تحياااااتي لك




ليوووووووووووووووووووووووووووووووووووووووووونه

العفووو خيوو سلطاااان



شاااكره لك مرووورك وردك




تحياااتي لك




ليووووووووووووووووووووووووووووووووووووووووووونه