لا أحد يقول يسلم يمين الي كاتبه يعني بمعنى أخر ماتقصدوني تراهي من تأليفي ولا تسون مثل القصه الي راحت ولاتعطوني وجه
<<<<تعقد من ردودكم
ماااااااااااااو كاتب صبح صبح هالمرررررررررررررررررررررررررررررره
&&&&&&&&&&&&&&&
السلااااااااموو علييييييييكوو<< بدري

كيفكم طيبين انشاء الله
كل واحد مننا له ذكريات حلوه في الثانويه على بدايه المراهقه والدشاره .. بس اللي اذكره اني كنت عاقل ولاامت للدشاره بأي صله<<--ايه هين

وبما أني تخرجت من الثانويه بعد عناء طويل بقولكم قصه اذكرها من زمان وحبيت اقولها لكم قبل ماانساها

دعوني ابدأ بسرد قصتي ( وش فيني مستعجل ) انا قصتي بدأت ان فيه واحد بشوفو كل يوم بيبأ أووريب مني

((اقول نخش في القصه احسن)) خخخخخخخخخ

المهم كان الجو زين وبديع وخيوط الشمس الذهبيه تعانق عنان السماء .. والسماء ملبده بالغيوم والغيوم ملبده بالمطر .. والمطر ملبد بالماء .. والماء فوق الشجره خخخخخخ

الزبده الجو كان ابن ستين تسلب ..
وانتم اكيد تعرفون الثانوية رياضيات وواجبات وفيزياء وكيمياء وغثاء
والطابور الصباحي الي كله ( كرف ) مد ... ثني .... مد ثني مد ثني قف انبطح استقعد الخ.. ( كسروا ظهرونا ) كل هذي الاشياء تخلي الواحد يفكر بجدية في انه يوسع صدره حتى ولو كان على حساب المدرسة ..
المهم قررنا انا واربعة من (الداجين) الفخت.. للمعلومية الفخت=الهرب=العطه ( فهمتوا الحين )
وقررنا انه يوم الاربعاء ندزها لصمان

وحطيت لهم خطة محكمة ألا وهي : انه بعد دخول الطلاب من الطابور الصباحي إلى الفصول نطلع من الفصل وكل عشر دقائق ينقز واحد من سور المدرسة :bgs6:

المهم كنت انا اول واحد ينقز .. والله وادق اللطمة واتلفت حولي ما في احد في الساحة .... اروح اتسلق الجدار بكل مهارة وخفة تقول كاني ( بريعصي ) وانقز برى المدرسة .. وقعدت انتظر مرت عشر دقائق ما احد نقز .... عشرين .... نص ساعة ما احد جاء بعدين اكتشفت انهم ما قدروا ينقزون ..
تدرون ليه .. لانهم ( قصاااااااار ) خخخخخخخخ ( تكفى يا الطويل )
من جد انا اللي ساعدني خبرتي في نقز الجدران اللي اكتسبتها يوم كنت في الدوادمي عند جداني .. كان خالي اذا تأخرت عن البيت في الليل يقفل الباب الخارجي فاضطر اني انقز من فوق السور خخخخخخخخخخ
المهم ،،
عاد انا قعدت بها مو عشان اخوياي ما جو لا .. اصلا ما فكرت فيهم بس عشان ما عندي مقومات الفختة ؟
الحين كل واحد بيسأل نفسه ماهي مقومات الفختة ( يصلح سؤال اختبار ) خخخخخخ
انا اقولكم
1_ اهم شيء الفلوووووس ( ولاكيف تفلها )
2_ السيارة ( اجل بتروح الصمان مشي )
3 -تبي جمعه ودجة ورجة ولا كيف بتوسع صدرك

قعدت افكر وافكر ماعندي ولاشيء من هذي المقومات الي تو ( طفرااااان )
وقعدت افكر وقعدت افكر وفجاءة وقفت عن التفكير عاد راسي ما يستحمل.. طلع من راسي ( زنبركي ) يغني اغنية جواد العلي ( يجيلك يوم تندم على ما فكرت ) ..

قلت في نفسي مافي إلا ارجع بيت اهلي وارجع للبيت مشي ( مشواااااار ) ..
واوصل البيت وادق الباب وتكلمني امي من ورى الباب تقول : من الطارق يا هذا ؟
قلت : انا جحش بن ابي حليسة ( استهبل عليها )
قالت : اجل اربض مكانك يا ابو لحيسه
قلت : لا لا انا ولدك عصير وش دعوه ماعرفتيني
وفتحت الباب وقابلتني بابتسامة عريضة تحمل في طياتها شرا ( يلوموني في الفصحى )
وقالت وين كنت فيه ياحلوو ؟ ليش ما رحت المدرسة؟
قلت : هاه هاه لا ادري
قالت : اعترف ولا ترى الكعب بيتنشب في جبهتك..
قلت : لا اصلا اليوم ربوع ( اربعاء ) عندنا ( اوف ) (off)
وبعدين قالت لي امي : رح افتح الدريشة
قلت ليش؟؟
قالت : عشان يطلع الارنب خخخخخخخخخخخخخخخخ
قالت : شف هذي المرة سماح قلت من هي سماح بنت الجيران ؟
قالت لا تستهبل لاطلعك الحين من البيت ما تدخل إلا الظهر .. انتبه ابوك لايدري عنك همن يقلب علينا البيت فوق حدر..
قلت لا لا ماعليك باروح اتفرج على التلفزيون .. وافتح التلفزيون على القناة الاولى القى برنامج المملكة هذا الصباح يناقشون موضوع مهم جدا الا وهو ( كيف تصبحين اما مثالية قبل ان تتزوجي ) ما عاد صارت ام صارت ( مربية اطفال ) واقلب القناة الثانية مسكرة وصوت المعروف ( تششششششششششششششششش) واقلب على الجزيرة القى جورج قرداحي في برنامج من سيربح المليون ( ارنب ) وبعدين اقلب ......... اكيد بتقولون يا كثر تقليبك اقلب وجهك
لا ابشركم غيرت الكلمة ( واغير ) القناة على new tv القى مريم نور ( لين الحين عايشة ) ونفس جلستها الي ما تغيرت ( متربعة وقدامها بخار وقاعدة تتفلسف ) وافتح على قناه (نغم) اللي هي (ستار اكادمي سابقا ) والقى جملة ( الوصول إلى هذه الصفحة غير مسموح به !!!) وش دخلها هذي الجملة في الدش ؟
واغير على قناة روتانا والقى دعايه نانسي عجرم حقت كوكاكولا ترقص وواحد شايلها ويدور بها وتحت في الشاشة عبارة مكتوب : هذا المنتج سبب رئيسي في انتفاخ البطن وتهريب الغازات من الاسفل؟؟؟ قلت في نفسي والله من شاف نانسي وهي ترقص هرّب من كل جهه ..
وافتح على mbc2 القى فلم بافي حصلت بافي تفترس لها مصاص دماء<<--ياليتها تفترسني بس خخخخ
وشوي بينما انا اتابع القنوات الي مالها داعي على الصبح اسمع صوت جرس بيتنا يدق قلت في نفسي مين الي يدق بدري اخواني لين الحين ما رجعوا من المدرسة ..
رحت لامي قلت يمه: روحي افتحي الباب
قامت تنافخ علي : انت رح انت رجال ما تستحي تخلي امك تروح تفتح الباب
قلت : امري لله وافتح الباب ببطء ويطلع لي مهجد البيت ابووووووي

انا فتحت الباب وقلت بصوت فيه رعشة : اه اهلين ابوي عسى ما شر ليش جيت بدري (مسوي اتمصلح معه) وما دريت إلا موجة صوت عالية التردد تجيني من ابوي وينافخ: يقول المفروض انا اسالك هالسؤال ليش ما رحت المدرسة !!!!!!!!!!!!!
انا اتلفت ادور على امي تصرف ابوي ( امي حطت رجلها )
قلت له : انا انا اصلا رحت للمدرسة بعدين جيت البيت بعدين رحت المدرسة ورجعت البيت ونسيت لا عاد ارجع المدرسة (انا استهبل على ابوي ابيه ما يفهم)
قال : لا يا شيخ نسيت لا ترجع المدرسة وما دريت إلا وابوي ماسكني مع رقبتي ورافعني فوق ( سوى لي فيها الحانوتي ) ويرجد بي على الارض ويروح يلمس جدار الغرفة وبعدين يلمس جدار الغرفة من الجهة الثانية ويجي عندي وينقز علي وكوعه في بطني ( حركة ذا روك ) قلبها مصارعة بعدين ابوي ثبتني على الارض وجت امي تعد ( مسوية حكم )
ون تو ثري ..
بعدها امي تحط الفوطه على ظهره وترفع يده يعنني الفايز
المهم ما علينا جاء بعدين ابوي يصالحني (ايه هين ) : قال اسف يا ولدي معليش بس انا تهورت
قلت له : لا عادي وسع صدرك اهم شي الاخلاق
قال: يعني سامحتني
قلت : لا .......مادريت الا كف يمشي مليون وقال بالطقاق اللي يطق راسك في جبهة امك

بعدين جاء بيروح ابوي قلت يبه قال : سم قلت ما نسيت شيء
قال وشهو يا وليدي قلت : نسيت ما تحب راسيء خخخخخخ قال : ما تستحي يا ورع وجاء لحقني وزبنت تحت الدرج

المهم ..جاء يوم الخميس والجمعة وانواع المعاناه مع الكدمات والاصابات اللي جتني من الشايب ..
انا قعدت افكر يوم السبت وش بيصير بيكشفوني المدرسة اني انحشت والا لا؟!؟!؟!

وجاء يوم الموعود
دخلت الفصل وكل الانظار متجة لي حتى اخوياي الاربعه قاموا يطالعون فيني (قليلين خاتمه) والفصل هدوء قلت في نفسي (اكيد هذا الهدوء الذي قبل العاصفة ) وشوي ويدخل الفصل
(شورموك هولمز )وكيلنا الدلخ اللي مسوي العصبي وقاعد يدور في الفصل وشوي .... يطالع فيني
بعدين قال بصوت عالي: شن شن شنكوتي الواد الي يفخت من المدرسة ويغيب يبقى الواد ده ايه .. العيال يردون وراه : شنكوووووووتي
وبعدين التفت علي وقال يا عصيرووووه جعل الله ينتف عظامك ..
قلت سم طال عمرك (مايخسى الا هو )
قال : كمان هييير .. قلت : وات ساب ماان ..قال : كمان بيبي .. قلت : واي .. قال : بيكوز اوريك شغلك ..

قلت: امري لله ويمشي الوكيل وانا وراه في الاسياب ويشوفونا الطلاب واسمعهم يقولون ( يوووه شوفوا هذا مجرم الاسبوع الماضي ) وثاني يقول ( راحت عليه بينفصل وبعدين يدرس محو اميه ( ما تجي ) وثالث يقول ( بيفصلونه وبعدين يسجلونه في الضمان الاجتماعي مع الشياب) وبعدين وصلنا غرفة الوكيل مكتوب على باب الغرفة ( غرفة التحقيق والاستجواب ) ويخش قبلي وانا اخش وراه واتلفت في الغرفة والقى صورتي على الجدار وتحتها مكتوب بالانقليزي (wanted) يعني مطلوب<<لاياشيخ
ومكتوب عبارة تحتها ( لمن يدلنا عليه له خمس درجات في المشاركة )
والتفت للجدار الثاني ما لقيت ولا شهادة شكر ولا تقدير كلها اوراق تعهدات واوراق فصل وشهادات ساقطين وتحتها مكتوب (( فاعتبروا يا اولي الالباب )) صدق الله العظيم

وفجأة يقطع حبل افكاري ( يا هووه يا حبل ) صوت الوكيل هو يقول تراها جدران غرفة ما هي ( اهرامات ) تقعد تناظر فيها .. قبل ما اتكلم قال : اقولك تعال اقرب وانا اروح عنده قال اقرب زيادة وقربت ليه ماصرت على حافة طاولته قال انت كذا بعيد تعال جنبي واروح بشويش جنبه ( انا شكيت في نفسي ) ويوم صرت جنبه بالتمام يوقف على الكرسي على طول وما دريت إلا وهو ناقز علي بخيزرانته اللي اطول منه على خشتي مادريت الا وانا عاظ الارض


واقوم على صوت امي وهي تقول قم بس قم الحين الظهرية وش فيك نمت عند التلفزيون ؟؟
كيكيكيكيكيككيكيكي



كيف الحاااااااااااال ؟؟ ترا كاتب الموضوع وانا دايخ فيني النوم يعني اذا فيه اخطاء لغويه او املائيه مشووووها


تحياااااااااااااااتي .. مفحم البنااااااااااااااااااااااااااااااات