مره واحد ماسك ثلجه ساعتين فاصاحبه بيقوله انتا ماسك الثلجه بقالك كتير قال له نفسى اعرف هى بتخر منين
واحد ساكن فى الدور التاسع وتحتيه بقال كل شويه الراجل صاحب البقاله ينده عليه ويقول له تليفون ليك وكل شويه الراجل يفضل يطلع وينزل يرد على التليفونات واحد صاحبه شافه فقال له ما تشتريلك موبايل احسن اام الراجل اشترى الموبيل واده للبقال وقال له اى حد يتصل بيه اندهلى
مجموعة في مستشفي المجانين قرروا الهروب فالزعيم بتاعهم قال لهم الخطة بسيطة، ناخد معانا سلم عشان لو لقينا السور عالي نطلع السلم، و لو لقيناه واطي ننط من فوقه. فلما وصلوا لقوا ان المستشفي من غير سور قالهم ياللا نرجع الخطة فشلت!
زوج وزوجة عايشين كل يوم في نكد راح جوزها قال "نخلى يوم الاربعاء بس هو النكد" قالت له "ماشى"، يوم الثلاثاء جوزها راجع من الشغل، وكانت مراته فرحانة قوي، بيسألها "فرحانة قوي كدة ليه؟" ردت و قعدت تغني "بكرة النكد بكرة، بكرة النكد بكرة"
واحد مشغول اتجوز واحدة مشغولة خلفوا ...عيل مش فاضيلهم
مرة واحد حرامي راح يسرق بابا واحد مسطول و أخد الباب و طلع يجري. المسطول أعد يجري وراه، وفجأة الاتنين تعبوا، فقعد الحرامي يستريح، و التاني المسطول راح جاي عنده و قعد يخبط على الباب و هو بيقولو ...أفتح يا جبااااان
مره واحد مسطول قاعد بيحشش مع مراته لغايه ما نسيوا نفسهم وفجأه حد خبط عليهم فقامت الزوجه وقالت جوزى فقام جوزها ونط من الشباك؟؟؟؟؟؟؟؟؟؟؟؟؟؟
مسطول حب يعمل برا ءة اختراع، جاب ضفدعة وقالها "اقفزى" فقفزت فقام بقطع أحد أرجلها الأربعة وقال لها "اقفزى" فقفزت فقام بقطع رجل أخرى وقال لها "اقفزى" فقفزت فقام بقطع الرجل الثالثة وقال لها "اقفزى" فقفزت قفزة صغير فقطع الرجل الأخيرة وقال لها "اقفزى" فلم تقفز فقام بكتابة (ملحوظة : عند قطع أرجل الضفدعة الأربعة، تفقد حاسة السمع
مرة في 3 بخلاء راحو لي تبرع لجمعية خيرية فالاول قال انا حطلع مبلغ و ارميه علي الحيطة و اللي يلزء حتبرع بيه اللي يوقع اخدو انا و التاني قال انا المبلغ اللي احدفو في السما و يلزق حتبرع بيه اللي ينزل حخدو انا و التالت قال انا حرسم خرم و ارمي الفلوس اللي يوقع جوة حتبرع بيه
مرة واحد بخيل شقتة ولعت ادى للمطافى رنة
سألوا بخيل : لو الدنيا برد تعمل ايه؟ قال : اقعد جنب الدفايه قالولوا لو الدنيا برد موت ؟ قال: الزق في الدفايه قالولوا : طب لو الدنيا بقت تلج؟ قال: أمري لله .......... أفتح الدفايه وخلاص
مرة واحد بخيل حلم انه اشترى فاكهة ولحمة لبيته ولما صحى حكى لمراتة قالتله ايه البعزقة دى
واحد بخيل دخل مع ابنه سوبر ماركت الولد قال لأبوه : بأحب الشوكولاته أبوه قاله : حبها ورجعها مكانها
مرة نملة ماشية بتعيط فمسكها راجل على كفه وسألها "انتي بتعيطى ليةيا نملة؟" قالتله "علشان بابا وعيلتى كلهم ماتوا" حط كفه على كفه وقال "لا حول ولا قوة الا بالله"
طلع مجموعة صيادين يصطادو وكل ما يصطادو حاجه كلابهم تجري تجيب الفريسه ما عدا كلب واحد بيخاف من صوت الرصاص فقالو لصاحبو خده الافراح اللي بيحصل فيها ضرب نار كتير عشان يتعود على الرصاص وبعد ما اخده لمدة 6 شهور رجع يصطاد تاني ولما اصطاد الفريسه الكلب اعد يزغرط
ليه النمله مابتخدش الفيل قدامها على العجله ؟؟؟ علشان بيلعب فى الجرس
فار وخطيبته ماشيين,شاف الفيل فحب يعمل منظر اودمها,فقعد ينده علي الفيل ويقولو "خد يا فيل انت أيوة انت يا عجل" واقعد يهزء فيه تاني يوم راح للفيل وقالو "معلش سامحني انا كنت بعمل منظر قدام خطيبتي وهطلع أبوس دماغك" وهو فوق دماغه لقي خطيبته معدية قالوا يعني أكسرلك دماغك دلوقتي
مره صرصار طلع من الخلاط قال يخرب بيت إللى يدخل الملاهى ت
تلاتة صقور أغبية اتراهنوا على الى يصطاد أكبر حاجة، الأول راح وجه وفى منقاره حبة دم قالهم شايفين الجبل الى هناك ده قالولوا أيوه قال قتلت وراه غزال والتانى راح وجه وفى منقاره حبة دم كتير قالهم شايفين الشجرة الى هناك دى قالولو أه قالهم قتلت وراها نمر والتالت راح وجه وكله دم فى دم وقالهم شايفين العمود الى هناك ده قالولوا اه قالهم أنا ماشفتوش
مره الأسد قال نكتة كل الحيوانات ضحكت إلا الحمار جيه تاني يوم لقوه بيضحك سألوه بتضحك ليه قال لهم أصلي فهمت النكتة
صرصار قاعد مع مراته بيتفرجوا على التليفزيون جه إعلان البيرسول قالها اقفلى بسرعة مبحبش أفلام الرعب
صرصارين في العناية المركزة الاولاني بيسأل التاني بيرسول قالة التاني لا قبقاب
أنت غير مسجل في منتديات حبي. للتسجيل الرجاء اضغط هنـا 
المواضيع المتشابهه 
إحصائية
العضو
.jpg)
العرض العادي
